Under følgjer vanlegvis resultat, spørsmål og svar.
Ingen quiz frå QM mottatt = intet referat.
Quizvert for sesongens ellevte quiz var Sverre.
Resultat quiz 11 av 12 sesongen 2023/2024 - 7.mars:
(Trykk på bileta for større visning)
TBA
Samanlagt:
TBA
Alle spørsmål med fasit:
TBA
Under følgjer resultat, spørsmål og svar.
Heile 17 fenomenale lag stilte til start. Snittet enda på 52 poeng. Seks av laga kom seg over 60 poeng denne gong.
Bjelland Juletre & Pyntegrønt tok nok ein siger med sterke 74 poeng og held dermed samanlagtleiinga. Quizteleg Fjolleparti var tilbake på pallen med andreplass, medan Bezzerquizzerz tok tredjeplassen.
Quizvert for sesongens tiande quiz var Jon, med Alena og bursdagsjenta Alexandra i baren.
Resultat quiz 10 av 12 sesongen 2023/2024 - 22.februar:
(Trykk på bileta for større visning)
Samanlagt:
Alle spørsmål med fasit:
Under følgjer resultat, spørsmål og svar.
14 stilige lag stilte til start. Snittet enda på snaue 59 poeng. Halvparten av laga kom seg over 60 poeng denne gong.
Bjelland Juletre & Pyntegrønt tok sigeren og dermed over samanlagtleiinga. Det er dog jamnt i teten, med tre quizar att før påskeferie.
Quizvert for sesongens niande quiz var Sverre, med Alena og Martine i baren.
Resultat quiz 9 av 12 sesongen 2023/2024 - 8.februar:
(Trykk på bileta for større visning)
Samanlagt:
Alle spørsmål med fasit:
Under følgjer resultat, spørsmål og svar.
Kun 10 trufaste lag stilte til start. Snittet enda på snaue 54 poeng. For vanskeleg? Berre to av laga kom seg over 60 poeng denne gong, medan åtte lag var 50 poeng +.
Det låg i korta at denne vekas quiz ville bli ein smule vanskelegare grunna dei oppsiktsvekkande resultata for to veker sidan. Slik skulle det også bli.
Brorparten av laga fekk likevel ein god start på eit ikkje altfor drygt førsteark med aktuelle spørsmål. De følgjer godt med på det som rører seg. Beste lag var Bezzerquizzerz og Har Det På Tunga med 15 poeng, med BJoP og FIA HOFA hakk i hæl med 14 poeng. Snitt: 11,8 poeng.
Om førstearket var høvesvis greit, var andrearket med musikk og underhaldning tydlegvis endo greiare. Her enda snittet på heile 12,3 poeng. Ingen tok likevel full pott. Bezzerquizzerz var nok ein gong beste lag saman med BJoP med 15 poeng. Quizedillas på pallen med 14 poeng.
Halvvegs var naturleg nok Bezzerquizzers i tet med sterke 30 av 32 poeng.
Så skulle det heile bli verre. Byggverk. Her var det å bry(h)na seg på. Snittet enda såpass lavt som 8,9 poeng, så her må nok dei fleste heim, slå opp i leksika på bokstaven B for Byggverk og lesa seg opp. Med mykje regn meldt i helga skulle vel høvet by seg. Beste lag på ark 3 var LAMP AS med 12 poeng.
Fredrik eller Frederik, forresten? Hadde me godtatt Kong Harrald? Rettskriving ER viktig. Sant?
Litt/lett betring skulle det bli på sistearket med middels vrien blanding. Snitt på dryge 10 poeng. Beste lag vart BJoP med 13 poeng, tett følgt av Bezzerquizzerz og DMDC med 12 poeng.
Forrutan laget på scenen, som må ha gløymt brillene, kom dei andre laga seg greit i frå bileta. Snitt på snaue 11 poeng. Beste lag vart laga som enda på pallen med 14 rette bilete.
For basert på allereie nemnt samandrag er det vel ingen overrasking av det denne kvelden skulle stå mellom Bezzerquizzerz og Bjelland Juletre og Pyntegrønt i kampen om sigeren. Det var jamnt. Nifst jamnt. Begge lag enda på finfine 67 poeng på ein tøff quiz. Begge hadde altså 14 bilete. Beste ark var 15 poeng. Neste beste ark skilde 15 mot 14 poeng. Bezzerquizzerz drog det lengste strået og vann. Tredjeplassen vart marginalt kapra av Har Det På Tunga med 58 poeng, rett føre eit kobbel av lag. Ein strålande nøgd Anders, som trudde dei ville enda sist og rykka ned til bedehusquizen på Fitjar, kunne med smil motta gåvekort for bronseplassen.
Samanlagt er det framleis opent i tetstrida, så her gjeld det å stilla skjerpa på vårens fire siste quizar. I alle høve gjeld det å stilla.
Quizvert for årets andre og sesongens åttande quiz var Jon, med Alena og Martine i baren.
Sverre er tilbake med ein skikkelig nøtteknekkarquiz om to veker. Vel møtt!
Resultat quiz 8 av 12 sesongen 2023/2024 - 25.januar:
(Trykk på bileta for større visning)
Samanlagt:
Alle spørsmål med fasit:
Under følgjer resultat, spørsmål og svar.
14 nyttårsglupe lag stilte til start. Snittet enda på utrulige 65 poeng. Rekord? Heile tretten av laga kom seg over 60 poeng, medan seks lag var 70 poeng +. Fenomenalt!
Enten følgjer alle laga ekstremt godt med på det som rører seg både nasjonalt og ute i verda, eller så må QM ha blanda vekas Arena-quiz med Rubbestadneset Borneskule sin. Snittet enda uansett på rekordhøge 14,5 poeng. Enkel oppvarming før resten av quizen, for dei fleste, altså. Beste lag var BJ&P, DMDC og FIA HOFA som alle, utan store problem, nagla alle 16 rette svar.
Litt verre vart det på underhaldningsarket. Snittet enda på dryge 12 poeng. Ein skulle tru at nokre sære musikkval vart for speisa for enkelte av laga. Best var Sus & Dus med imponerande 15 poeng.
Samme lag gjekk i garderoben med leiing til pause. 30 av 32 poeng er vasst.
Tredjearket denne kvelden skulle dreia seg om, som så mange gongar før; Sport og Geografi. Her var det nokre nøtter laga fekk brynt seg på, men likevel overkommeleg sidan snittet var på 12,4 poeng. Beste lag var Fonna i Krise med sterke 15 poeng. Tippar Atle hadde stålkontroll på sportsdelen?
(Lita gulerot til alle som les rosaquizbloggen: Tema på tredjearket til neste quiz vert Byggverk / Byggverk - lukke til med førebuinga)
Før siste arket med Lett Blanding var det rekordjamnt i teten. Heile seks lag kjempa om sigeren. Dei fleste av topplaga kom seg også heilskinna gjennom den høvesvis lette blandinga. Snitt på 13,5 poeng. Beste lag var FIA HOFA med full godtepose og 16 sterke poeng. Etter ryktene var kaptein Bente ekstra i støtet denne kvelden.
Også kveldens bileteark gjorde dei aller fleste lag det godt på. Snitt på 12,7 poeng. Ingen tok alle 16 fjes, men tre lag klarte 15: BJ&P, LAMP AS og HDPT.
Totalt enda det med at berre to poeng skilde dei seks kvassaste laga. Alle med 70 poeng eller meir. Fire av laga kjempa om tredjeplassen med sine 70 poeng, og LAMP AS trekk det lengste strået iht quizreglane. Andreplassen med 71 poeng gjekk til den kverulerande og arrogante (neida, berre kødda) - trivelege gjengen i DMDC. Dei byrjar få dreisen på dette med quiz no.
Kveldens vinnarlag vart, som så mange gongar før, den quizrutinerte gjengen frå Bjelland Juletre & Pyntegrønt. 72 poeng heldt akkurat.
Stort til lukke til medaljørlaga og velkomen til ny (og hakket vanskelegare) quiz torsdag 25.januar.
Quizvert for "vårens" første og sesongens sjuande quiz var Sverre.
Resultat quiz 7 av 12 sesongen 2023/2024 - 11.januar:
(Trykk på bileta for større visning)
Samanlagt:
Alle spørsmål med fasit:
Under følgjer resultat, spørsmål og svar.
Kun 12 kjekke lag stilte til start. Snittet enda på 53 poeng. Fire av laga kom seg over 60 poeng.
Denne kvelden vart Bezzerquizzerz' store kveld. Med god kontroll frå start til slutt enda dei på sterke 68 poeng og suveren siger. Bak dei var det jamnt. Seks lag kniva om dei andre edle metalla og kun 4 poeng skilde dei. Som så ofte før hadde BJoP det litle ekstra og kneip sølvet. I kampen om tredjeplassen var det Sus og Dus som slo Har Det På Tunga med knappast muleg margin.
I samandraget er det åtte lag som har delteke på samtlege seks quizar. På toppen finn me kveldens vinnarlag Bezzerquizzerz, føre LAMP AS og QF. Uansett er det framleis jamnt. Heile ni lag kjempar om samanlagtsigeren før vårens seks quizar.
Quizvert for haustsesongens sjette quiz var Jon, med Alena og Alex i baren.
Quizen returnerar i medio januar. I mellomtida får samtlege ha ein god jóleferie. Kanskje det blir Spotted Dick som vert servert etter pidnakjøtet på julafta i år?
Resultat quiz 6 av 12 sesongen 2023/2024 - 30.november:
(Trykk på bileta for større visning)
Samanlagt:
Alle spørsmål med fasit:
Under følgjer resultat, spørsmål og svar.
Heile sytten spenstige lag stilte til start. Snittet enda på snaue 60 poeng. Ni av laga kom seg over 60 poeng.
LAMP AS virka å ha god kontroll og vann quizen med fine 69 poeng. I kampen om andreplassen utkonkurrerte, noko overraskande, DMDC legendane på Bjelland Juletre og Pyntegrønt. Begge lag enda på 65 poeng, men DMDC hadde flest rette bilete.
Verdt å merka seg: Dersom de NO ikkje veit at Berlinmuren vart reven i 1989, eller kjenner att Skal Vi Danse dommar Merete Lingjærde, då lyt de gå i dykk sjølv. Quizmaster var nemleg lur og drog opp begge desse nøttene frå nøtteposen etter heile 14 dagars pause sidan sist nøttene var knekt.
Quizvert for haustsesongens femte nøttequiz var Svære Berlingjærde Særensen.
Då gjenstår éin quiz før me tek quizjóleferie: torsdag 30.november.
Resultat quiz 5 av 12 sesongen 2023/2024 - 16.november:
(Trykk på bileta for større visning)
Samanlagt:
Alle spørsmål med fasit:
