Torsdagsquiz 3 - 20.september 2018

Under følgjer resultat, spørsmål og svar.

19 smashing lag deltok og snittscoren var på godkjente 58,4 poeng av totalt 80 mulege. 9 gode lag kom seg over 60 poeng.

Det vart altså ny deltakarrekord for hausten med heile 19 lag på plass på Arena i kveld. Veldig gledeleg!

QF kom best i gang på førstearket med full pott. Også god innsats av BJoP, HBO, Blanda Drops og Fonna i Krise med sine 14 poeng. 15 lag totalt over 10 poeng.

På andrearket med musikk og underholdning var det BJoP som dreiv ap med dei andre laga. Kun éin feil gav dei 17 fine poeng. Nest best var Dei Hjelpelause med 16 poeng. Fleire lag på 15 poeng.

Halvvegs var to av dei største samanlagskanonene BJoP og QF i delt leiing med 31 poeng. Sesongens beste lag til no, HBO, låg på tredjeplass med 29 poeng.

Rop Ut Quizen vart i kveld ein kamp mellom to jenter frå Quizzte Du Det? og A Walk in the Park. I finalen fekk kandidatane spørsmål om kva vitaminar som det er mest av i eit rått egg. Det rette svaret (protein) var det deltakaren frå Quizzte Du Det? som kom først med. Ho vann dermed to kinobillettar. Bravo! PS: Presenter dykk gjerne neste gong slik at me får nokre namn å setja på dykk. Sverre våga nemleg ikkje å spør etter namna. Hehe.

Ark 3 handla i kveld om Nederland / Trist og Grått. Av dei 16 oppnåelege poenga var det heile sju lag som prikka inn 15 rette svar: BJoP, HBO, Dei Sporadiske, Lex Lodney, A Walk in the Park, FIA HOFA og Sviskene. Meget bra! Også bra elles med eit snitt på 12,6 poeng.

Lett Blanding gav også gode scores. Best var nok ein gong BJoP, som henta 14 av 15 poeng. Seks lag hadde 13 poeng og fem lag 12 poeng. På dette arket kom også den einaste feilen frå Quizmaster som øydela hans jakt på den perfekte quiz. I spørsmål nummer fem om jordas befolkning hadde det sneke seg inn ein feil. Folketalet passerte nemleg 7 milliardar i 2011. Ikkje i 2006. Yada Yada Yada.

Med god innsats på samtlege spørsmålsark var det duka for sesongens første siger til den skarpe gjengen frå Bjelland Juletre og Pyntegrønt. Med kun seks feilsvar enda dei på råsterke 74 poeng. Pallen vart komplettert med QF og HBO. Dei enda på like mange poeng (70), lik score på biletearket, men med QF med beste toppscore (16p på Ark 1) på dei øvrige arka. Ergo QF på sølvplass.

Ekstrapremien gjekk i kveld til Hakke Peiling. Dei fekk ein gratisbillett til Morten Abel sin konsert på Arena 14.november.

Quizvert var Sverre, med Marita som barsjef og Marie som servitør. Kor var Geir undrar du? Joda, han slikkar sol i Spania. Rettferdig? Nei.

Takk for ein fabelaktig kveld!

Resultat quiz 3 av 14 hausten 2018 - 20.september:
(Trykk på bileta for større visning)

Samanlagtstilling etter 3 av 14 rundar:

Alle spørsmål med fasit:

Torsdagsquiz 2 - 13.september 2018

Under følgjer resultat, spørsmål og svar.

15 strålande lag deltok og snittscoren var på litt skuffande 55,3 poeng av totalt 80 mulege. Fem skarpe lag kom seg over 60 poeng denne gong.

Så var det klart for andre, og underteikna sin første, quiz denne hausten. Spørsmålspennen var kvessa og skal eg vera ærleg, så var det opptil fleire gode og festlege spørsmål denne gong. Så ville tida visa oss om deltakerane kunne levera god nok innsats til å få laga sine opp på poengnivået frå førre torsdag. Heller tvilsomt ville nok dei fleste spå. Tradisjonen tru er nemleg underteikna sine quizar litt vanskelegare enn normalen, medan Sverre sine quizar kanskje til tider er litt for lette. QM-Duoen hadde difor blitt samde om å enten heva eller senka nivået litt, slik at det ville bli nokolunde likt kvar veke. Men med eit snitt på over 68(!) poeng på første quizen måtte vel oppgåva om å lage ein overkommeleg quiz bli umuleg denne gong?

Første arket med aktuelle spørsmål enda med eit snitt på 12,1 av 16 poeng. Alle laga kom godt i gong og fekk ned rette svar både på Frankrike og Saudi-Arabia. Litt verre med grottedramaet i Thailand i sumar. Fire lag makta ikkje hugse rett antal menneske i grotta. Svensk politikk skapte òg litt problem for somme lag. Tre lag rota det til på rekkefølga her. Alle visste sjølvsagt Florence, medan det berre var éitt lag som ikkje hadde fått med seg at Cirkus Agora vitja øya vår tidlegare i veka. Quizteleg Fjolleparti, kva fantasiverd lever de i? Arnardo? Skandaløst. Vel, yoghurtsmakar kunne dei aller fleste, medan norsk populærlitteratur var verre. Omlag halvparten hadde enten ein eller begge forfatterane. Halvparten av salen er tydlegvis tru mot Bakeriet Frugård. Dei hadde nemleg ikkje snøring på kva som skjer på andre scenar nedi gata. Damefotball står sterk lokalt, men er muligens ikkje like interessant på nasjonal basis? Berre fire lag visste det var LSK Kvinner som vann Toppserien for femte gong. Seks lag tok tennisspelaren del Potro, medan berre to lag bomma på Skal Vi Danse spørsmålet. Best var, ofte som vanleg på dei aktuelle spørsmåla, Lex Lodney. Dei tok leiinga med sine fine 15p. At Mudflowers var einaste bomsvar er tilgitt.

Andre arket med musikk og underholdning hadde eit snitt på 11,3 av 18. Samtlege lag hadde sjølvsagt Elton John, men tre lag bomma på kva låta heiter. Rimeleg rystande at ein sjølvutnevnt Elton John fan, som Øystein Vegar er, kunne få laget sitt QF med på å svara Someone Saved My Life Tonight på denne. Pinleg?! Ja. Seasons in the Sun kjenner alle til, men det var litt verre med kven som var artisten. Seks lag hadde ikkje peiling. Alle tok Walking on Sunshine og berre éitt lag bomma på artisten. U2 har vert spela på quiz før og det er overraskande at så få lag har kunnskap om dette bandet som må seiast å vera eit at verdas største uansett sjanger. Elleve lag tok imidlertid rett band, men berre det nye laget Mike Hunts kjente att hiten Staring at the Sun frå albumet Pop på midten av 90-talet. Verst var det likevel på sistesongen. Kun fire lag tok Sheryl Crow og berre Blanda Drops visste tittelen på songen. På underholdningsbiten var det også ymse innsats. God start mtp Love Island. Seks lag hugsa rett MGD tittel: Toy. Nokon svara Boy. Nesten, men diverre ikkje poeng. Ni lag hadde Simpsons, medan arkets vanskelegaste spørsmål om Zabivaka, var det berre det nye laget Tolvpausen som gjetta(?) rett på. Ulv der altså. På Idol-historikken tok tre lag full pott: BD, BJoP og Quizedillas. Best var Blanda Drops med 15p. Sterk innsats på eit litt vrient ark, as far as you know.

Rop Ut Quiz i pausen vart ein kamp mellom Per Jarle frå HBO og Ola frå det nye laget Tolvpausen. PJ tok seg til finalen på god kunnskap om kongehuset, medan Ola tydlegvis kan sin meteorologi. I finalen vart det imidlertid full stopp for Ola, då PJ gjorde kort prosess med rett svar lenge før spørsmålet var ferdigstilt. Grand Place ligg nemleg i Brüssel. Dette visste PJ. Grattis med siger og god tur på kino!

Halvvegs var det jamnt i toppen. Faktisk skilde det berre seks poeng mellom 14 av 15 lag som alle låg mellom 21 og 27 poeng. Best var BJoP og Blanda Drops poenget føre HBO og Lex Lodney. Med sine godkjente 25p var også Stord BTK, A Walk in the Park og Tolvpausen på skothald.

Ark 3 handla i kveld om Alias og Sportskommentatorar. Snittet enda på meget habile 12,4 av 16 poeng. Kategorien Alias gav god score for dei fleste. Alle hadde Lisa Tønne og 14/15 hadde Bowie. Elleve av 15 lag tok full pott på spørsmålet om Istabuls mange namn. Overraskande at så mange lag som sju bomma både på Ibsen og Pelé. Er ikkje både Brynjulf Bjarme og Edson Arantes do Nascimento namn alle får inn med morsmjølka? Gratispoeng? Tydlegvis ikkje. Her må nok fleire gå i seg sjølve. Sportskommentatorar er eit kjekt tema. Faktisk driv tidlegare kommentator Arve Fuglum på og skriv bok om temaet i desse dagar. Det kan nok bli morsom lesnad når den kjem for sal. Laga leverte god innsats jamnt over. Alle hadde sjølvsagt kontroll på både Arne Scheie og Karen-Marie. Også Unni Anisdahl spørsmålet gav god utteljing. Ekspertnøtta om Paal Clasen var spådd til å gi laga hovudbry. Difor gledeleg at så mange som sju lag visste dette. De er gode! Også sju lag tok enkelt fire av dei åtte engelskmenna Lillelien utbasunerte i '81. Dei fleste som ikkje tok fire poeng her hadde rota enten Dronning Elizabeth eller Dronning Victoria inn i likninga. Det gav minuspoeng. Best av laga var HBO og LL som tok full pott med 16p. Utsøkt!

Lett Blanding er som vanleg ikkje så lett. Det vitna også kveldens poengfangst om. Snittet enda på 8,8 av 15 poeng. Best av laga var HBO og LL med fine 13p. Lexus, Elverum og Madagaskar var grei skuring. Litt verre med bits/byte. Her varierte svara frå 2 til 10.000(!). Mange svara 25 på antal cent i ein nickel. 25 cents er som kjent ein quarter. Kva kallast 10 cents? Her får de lesa dykk opp. Elles var det berre seks lag som hugsa fire år tilbake til VM i fotball i 2014. Er det kanskje lettare å svara på kven som vart toppscorar i VM lengre tilbake i tid? Ikkje umuleg det kan koma noko VM-quiz ved seinare høve. Hint hint. Fotball er jo livet. Fiktive hester var også ei utfordring. Berre tre lag kunne alle tre: LL, Tolvpausen og Dei Hjelpelause. Også geografi frå Mellom-Amerika var litt bob-bob. Kun to lag tok alle dei fire nabolanda til Guatemala: HBO og QF. Som alltid er det moro når lokalets største geografiekspert bommar på "lette" geografispørsmål. Eller kva, kjære varaordførar? Hehe. Og til dei av dykk som meinar land i Sør-Amerika har noko i Mellom-Amerika å gjere: Det nærmar seg jul. Atlas er eit godt julegåveynskjetips. (<- Utan orddeling). Hehe.

Biletearket var kanskje litt for lett denne kvelden. Snittet var på 10,8 av 15 poeng. Bileta laga sleit mest med var Moderatarna-leiar Kristersson (9 feil), Fitjar-rådmann Haugen (9 feil) og Pompadour-frisyren (11 feil). Her var det ingen av laga som svara Pompadour, men det vart gitt poeng for Quiff, sidan dette er ein nymoderne utgåve av Pompadour-sveisen. Elles var det berre åtte lag som tok Israel og biletet av artisten Post Malone. Stort sett bra på resten. Best på biletearket var BJoP med 14p.

Som førre veke var det HBO som tok heim sigeren med sine 68 poeng. Imponerande start på haustsesongen! Men det var jamnt i toppen. Like bak HBO endte Lex Lodney og BJoP, begge på 67 poeng. Dei delte andreplassen og fekk begge gåvekort på 300kr etter litt dramatikk på overtid. Ein årvåken varaordførar hadde nemleg mistenkt at laget hans hadde blitt snytt for poeng. Noko som stemte då biletearket vart studert nøyare. Der skulle det nemleg vere 14 og ikkje 13 poeng. Til neste gong når de skal retta biletearket for nabobordet: Hugs at det skal gis poeng dersom etternamnet er rett, og skrivefeil er ikkje nok til at eit svar er feil når det er opplagt at det er rett meint. Forståeleg? Hehe.

Ekstrapremien denne gong gjekk til det nye laget Tolvpausen. Sidan dei hadde med meklarane Ola og Ørjan (handicap) på laget fekk dei dispensasjon til å vere 10 deltakerar på laget. Utan minuspoeng. Dei nådde ikkje pallen, men to på laget kan likevel gleda seg til å gå på konsert med d'Accord 22/09-18.

Quizvert var Jon, med Geir som barsjef og Marie som servitør.

Takk for ein triveleg kveld!

Vel møtt igjen neste torsdag 20.september. Då tek Sverre i mot dykk med ein litt meir utfordrande quiz enn sist han var i manesjen. Hehe.

Resultat quiz 2 av 14 hausten 2018 - 13.september:
(Trykk på bileta for større visning)

Samanlagtstilling etter 2 av 14 rundar:

Alle spørsmål med fasit:

Torsdagsquiz 1 - 6.september 2018

Under følgjer resultat, spørsmål og svar.

13 flotte lag deltok denne haustlege kvelden. Snittscoren var på fenomenale 68,7 poeng av totalt 83(!) mulege. Heile 12 av 13 lag kom seg over den magiske 60 poengs grensa denne gong.

Det skulle altså ikkje ta meir enn 16 månadar inn i quizhimmelen før Sverre gjenoppstod og gjorde comeback. Både lysta på svarte pengar (neida!) og på å vere i fokus i større folkemengdar vart for stor. Det ryktast at forsamlinga var glade for å få kosebamsen Sverre tilbake. Ergo lettare spørsmål og meir poeng.

Det vert altså ein quizmasterduo som skal losa dykk gjennom det komande quizåret. Etter utallege møter gjennom sommaren hadde dei landa på ymse retningslinjer. Quizen skulle til dømes ha 80 poeng oppnåeleg KVAR gong. Dette røyk allereie på første quiz. På første ark like godt. Førstearket med aktuelle spørsmål skal vere på 16 poeng. Sverre sitt enda på 18. Uansett var det fleire gode spørsmål, og det var HBO og QF som klarte seg best med sine 17p.

Andre arket er frå no av kalla musikk / underholdning og skal ha 18p oppnåeleg. Sverre fleska like godt til med 19p her, noko som førte første quizen opp i 83 poeng maks. Om muleg var blemma på Ark 2 grunna uvitskap meir enn sabotasje mot det spikra opplegget. Er det berre Sverre som trur at Spice Girls bestod av fire medlemmer? Hahaha. Tre lag henta full pott på arket: BJoP, Dei Hjelpelause og Fonna i Krise. Snittet på 17,1 poeng vitna om at Geir hadde vert snill på musikken, om muleg nytta eksakt same speleliste han nytta for halvanna år sidan. Dei er oppfinnsame disse Høgrepolitikarane. Du verden.

Halvvegs var det klart for Rop Ut Quiz. Kva spørsmåla var har gått i gløymeboka, men det var uansett Oddmund frå HBO som vann. Rapporten frå Sverre seier at det var ein med langt hår frå BJoP som vart sett på plass i finalen. Kva premien var er uvisst.

Tredjearket denne kvelden handla om Europa og Is. Og jommen meg enda det på dei 16 avtalte poenga her. Bra! To lag klarte 16 poeng og full pott: Blanda Drops og FIA Hofa. Alle lag over tolv poeng, så spørsmåla må ha falt i smak.

Sistearket skal ha 15p oppnåeleg. Best her var HBO, Blanda Drops og Har Det På Tunga, som alle prikka inn 14 poeng. Forøvrig veldig bra av samtlege 13 lag. Alle over 10p.

Biletearket var det som varierte mest mellom laga denne kvelden. Best var Dei Sporadiske som kun bomma på éitt bilete. Verre då med Lex Lodney og Nordbygda FUS som kun makta 6 skarve poeng.

Når alt kom til alt skilde det berre fem poeng mellom dei åtte beste laga. Har Det På Tunga og Dei Hjelpelause mangla poenget på pallen og delte fjerdeplassen. BJoP og Blanda Drops enda begge på 73 poeng og det var biletearket som måtte avgjer kven som tok sølvet. Blanda Drops var best her med sine 12 rette mot BJoP sine 11. Best av alle i kveld var HBO som noterte seg for småpene 75 poeng av dei altså 83 oppnåelege. Berre 8 feilpoeng er bra.

Ingen ekstrapremie denne kvelden, då dette vart glømt! Så me satsar på at Geir er i det spandable hjørna i morgon.

Quizvert var Sverre, med Geir som barsjef og Marie som servitør.

På vegne av Sverre: Takk for ein fin kveld!

Vel møtt igjen i morgon kveld! Me gledar oss!

Resultat quiz 1 av 14 hausten 2018 - 6.september:
(Trykk på bileta for større visning)

Alle spørsmål med fasit:

Torsdagsquiz 15 - 19.april 2018

Under følgjer resultat, spørsmål og svar.

14 våryre lag deltok denne heite kvelden. Snittscoren var på litt skuffande 54 poeng av totalt 85 moglege. Kun 5 av 14 lag kom seg over 60 poengs grensa denne gong. Ein får skulda litt på at det var sesongfinale, og då skal vanskelegheitsgrada opp eit lite hakk.

Nok ein nydeleg torsdag og tid for vårsesongens siste quiz før me kan leggja hovuda i bløyt dei kommande månadane. Fleire vil nok lesa nyhende litt mindre detaljert den komande tida, vil eg anta. Dagen var så fin at det nesten var ei skam å sitja inne. Likevel hadde 14 lag tatt turen til sesongavslutninga. Med alle samanlagtkanonene på plass måtte det verta ein spanande kamp om dei siste gåvekorta og ikkje minst prestisjen som ligg i det å kunne kalla seg regjerande meistrar i fleire månadar framover. I samandraget var det nærast avgjort før kveldens quiz. Bjelland Juletre og Pyntegrønt var allereie krona til vinnarar denne våren. Quizteleg Fjolleparti var sølvvinnarar. I kampen om bronsen låg Heise Bra Opplegg an til å halda stand mot Lex Lodney, som gjekk glipp av quizen førre torsdag. HBO hadde 25 poeng ned til LL, og måtte dermed berre fullføra kvelden for å sikra seg siste pallplass.

Førstearket med aktuelle nyhende enda i eit snitt på dryge 15 poeng. Noko som er bra. Beste lag var BJoP som kun hadde to små feil, deriblant antal meisterskap Larvik hadde på rad før dei vart vippa ned frå trona. Forøvrig eit spørsmål 12 av 14 visste. Nest best var Tors Utvalgte med 18 poeng. Største utfordringa på arket var bankspørsmålet. Berre to lag visste både rett bank og rett antal: Har Det På Tunga og BJoP. Også litt vrient for laga å prikka inn begge poeng på spørsmålet om Barbara Bush. Berre fire lag hadde både alder og antal barn rett. På Hollywoodspørsmålet hadde 12 av 14 lag rett svar. HBO, som var eit av laga som svara feil, prøvde seg med at Khloé Kardashian hadde kalla sitt nyfødte barn for Zara Larsson. Nesten som underteikna var freista til å gi poeng for det. Hehe. Siste spørsmål dreia seg om Liv Signe Navarsete. Eit spørsmål som skapte humring i salen. Sistedelen, som om muleg ikkje eignar seg på trykk, hadde 13 av 14 lag rett på. Då quizen vart laga må det seiast at det rådde tvil om ein verkeleg kunne ta det med. Det ville kanskje verta litt pinleg å lese opp det rette svaret? Varaordførar Jakob fekk tilbod om å ta over som gjestequizmaster når fasiten skulle lesast opp, noko han avslo: "Nei, no har du mala deg inn i eit hjørna, og får komma deg ut av det sjølv!" Typisk SP-folk å vera så prektige. Hehe.

Musikk, film og TV arket gav oss i kveld eit litt lavt snitt på dryge 10 poeng av dei 18 mulege. Beste lag totalt på arket var QF med sine 14 poeng. Eit såpass sterkt lag som Har Det På Tunga fekk alvorlege problem her, og enda på begredelege 6 poeng. Spørs om dei ikkje må rekruttera ein ungdom til laget når haustsesongen byrjar. Hehe. På musikkdelen hadde dei tre beste laga 8 av 10 poeng: Blanda Drops, Tors Utvalgte og Heise Bra Opplegg. Nokre nøtter var det: Berre 4 lag tok førstelåta. Barry McGuire sin strålande låt Eve of Destruction. Dog fleire lag med rett låttittel, men feil artist. God utteljing på GnR, medan 6 av laga hugsa SNAP!. Dei fleste hadde Pink på låt nummer 4, men berre to lag kunne tittelen: QF og Blanda Drops. Så til sistelåta, den nye strålande singelen til vår eigen Endre Olsen: Halve Meg. Denne kunne de vel forutsjå ville koma? Berre tre lag tok både artist og låt: Dei Sporadiske, QF og Bedre Seint Enn Sist. Til de andre: Sjekk ut låta på Spotify! Endre er god! Film -og TV delen vart plankekøyring for luringane på Lex Lodney. Som einaste lag tok dei samtlege 8 poeng. 13 av 14 lag visste det var Hege Schøyen som spela suffløsen. Berre QF bomma på denne. Maria Bonnevie, de liksom. Huff. CTU frå serien '24' tok berre fem av laga, medan det berre var fire lag som hugsa at nyleg avdøde Jon Michelet var første programleiar for Fangene På Fortet frå det Herrens år 1993. Berre LL og QF tok alle 4 poeng om FPF.

Sesongens siste Rop Ut Quiz skulle by på ei nøtt om Theo på Fitjar. Og det var eigentleg betryggande at så få kunne dette. Fitjarbuen har jo sin eigen quiz (kor ofte held dei den? Anna kvart år?). Etter fleire forslag som var heilt på viddene var det Simen frå Dei Sporadiske som traff blink med 1980. Dette var altså året Theo brann. De får googla det. I finalen skulle Simen opp mot Jakob som tok sjansen på å prøva seg på koreansk. Nokolunde rett uttale gav han finalebilletten. Rett svar på kva koreanarane seier når dei skal sei 'Hei' er altså: Anyohaseyo. I finalen fekk kandidatane problem med ungdomsserien The OC. Dermed måtte eit nytt spørsmål til: Kva forfattar står bak diktsyklusen Haugtussa? Etter litt tenkjetid fann Jakob det rette svaret eit stykke bak politikk, geografi og landbrukshistorie i hovudet: Arne Garborg. Bra! God tur på kino, gode mann! Ta gjerne med deg partikollega Liv Signe. Ho treng nok ei oppmuntring i desse blytunge tider.

I kveld skulle kveldens tredje ark handla om Bondegården og Spania. Og det var planen at det skulle starta ganske enkelt. Alle veit at NRF står for Norsk Raudt Fe. Vel, nesten alle. 13 av 14 lag tok denne. Kven bomma? Joda, sølvvinnarane samanlagt: Quizteleg Fjolleparti. Pinleg. Flaut. Sjokkerande. Kva svara dei? Norsk Raudt Får. Du verden. Neste spørsmål skulle vere like enkelt. Dei tre norske hesterasane. 12 av 14 lag tok sjølvsagt disse utan problem. Beste feilsvar var det Dei Sporadiske som stod for. Dei ville ha med Shetlandsponni. Jøye meg. Var det Shetlands-Larsen som tok dei med til gamle Noreg i båten sin? Videre på bondegården tok halvparten av laga spørsmålet om dei to kornsortane. 10 av 14 lag kunne rangera dyras drektighetstid korrekt, medan berre fem lag kunne namgi minst to av dei tre mjølkeprodusentane på Stord. Best av laga i denne kategorien var Bedre Seint Enn Sist og BJoP som begge hadde full pott. Bra! I kategorien Spania var det ingen som tok 8 av 8 poeng, men tre av laga klarte 7: Bedre Seint Enn Sist, Fonna i Krise og Tors Utvalgte. Det var 2-poengs-spørsmåla flest sleit med. Snittet enda på 11,2 og det var BSES som var best totalt sett på arket med fine 15 av 16 poeng. Sterk innsats!

Over til Lett Blanding og ein mjuk start også her. 13 lag visste at Geronimo var Apache. Dei Sporadiske på villspor også her med sitt forslag: Sioux. Kun to av laga fekk poeng på antal fjelltoppar av verdas høgste fjell som ligg utanfor Asia: LL og TU. Begge tippa to. Med 2 i slingringsmonn fekk dei poeng sidan svaret er null. Veit de kva verdast høgste fjell som ligg utanfor Asia heiter? Mozartkule til første som gir meg svaret. Antal kvadratmeter i ein hektar klarte sjokkerande nok berre halvparten av laga. Til slutt var det geonøtta om Mellom-Amerika. Berre to lag tok 6 av 6 poeng her: LL og HBO. Ein smule skuffande at velkjente (sjølvutnemde) geografiekspertar bomma på denne. Snittet enda på lave 7,5 og best var LL med sine vasse 14 av 15 poeng.

Biletearket denne gong var utan Zara Larsson. Likevel svara heile 6 lag nettopp dette på bilete av Carrie Underwood. Hahaha. DJ Bobo var det kun Dei Hjelpelause og BJoP som kjende att. Har Det På Tunga og Bedre Lykke Neste Gong prøvde seg på Stoltenbergs på bilete av Bush'ane, medan Blanda Drops gjekk for Ferner / Prinsesse Astrid. Huff. Dei to dumme hundane tok berre to lag: BJoP og Sviskene. Elles mykje god innsats på resterande bilete. Snittet enda på rundt 10 og best var BJoP med sine fine 13 av 15 poeng. Kudos til Blanda Drops som tok seg friheten til å laga eit anagram av GOD SUMAR som stod midt på arket: Dagros Mu. Hehe.

Før quizen starta denne kvelden vart det delt ut premiar i samanlagttevlinga. Heise Bra Opplegg sikra bronseplassen med å stille lag, og ville dermed halde Lex Lodney bak seg. Oddmund var framme og mottok 500kr i gåvekort. God innsats gjennom heile vinteren og våren. Reknar med dei kan ta enda eit steg til hausten?! Marius var framme og mottok gåvekort på 1000kr på vegne av Quizteleg Fjolleparti. Samanlagtvinnarane frå i haust måtte denne gong sjå seg slått. Vinnarane vart nemleg Bjelland Juletre og Pyntegrønt. Jakob kunne stolt motta gåvekort på 1500kr til applaus frå salen. Det mest meritterte quizlaget på øya tok endeleg tilbake hegemoniet. Sterk sesong med heile sju sigrar av femten mulege til no i år. Bravo!

For det var nemleg BJoP som tok sigeren også i kveld. Ein forholdsvis lav vinnarscore på 66 poeng skulle halda i massevis. LL kapra andreplassen 3 poeng bak, medan QF snøyt HBO for siste pallplass pga to fleire rette bilete. Begge lag enda på 61 poeng. Bedre Seint Enn Sist kan også sei seg nøgde med innsatsen. Dei hamna på 5.plass med 60 poeng.

Det var nettopp den trivelege gjengen på Bedre Seint Enn Sist som vart trekt ut som smilande vinnarar av to gratisbillettar til konsert med Sagvåg Musikklag og Sigurd Sele på Arena i kveld 20.april. God konsertfornøyelse!

Quizvert var Jon, med cheezy Anders som barsjef og spretne Alex som servitør.

Takk for ein majestetisk kveld og ein morosam quizvår, folkens!

Vel møtt igjen til haustsesongen som vil ha oppstart i september! Me gledar oss!

Resultat quiz 15 av 15 våren 2018 - 19.april:
(Trykk på bileta for større visning)

Samanlagtstilling etter 15 av 15 rundar:

Alle spørsmål med fasit:

Torsdagsquiz 14 - 12.april 2018

Under følgjer resultat, spørsmål og svar.

14 spenstige lag deltok denne strålande kvelden. Snittscoren var på snaue 57 poeng av totalt 85 moglege. Kun 4 av 14 lag kom seg over den magiske 60 poengs grensa denne gong.

På ein strålande varm dag var me klare for vårsesongens nest siste quiz. Det knytte seg spaning i både kampen om samanlagtsigeren og kampen om tredjeplassen. Då klokka nærma seg 20.00 og Lex Lodney enda ikkje hadde vist seg, låg det an til at HBO kunne få ein enkel veg mot pallen. Så sant dei ikkje ville kollapsa totalt då?!

Som vanleg byrja me med aktuelle spørsmål frå både nært og fjernt. Med eit snitt på over 16 poeng på spørsmåla skulle dei fleste få ein god start. Blanda Drops og HBO best med sine 19 av 21 poeng. Spørsmåla flest sleit med var Frp-politikar Njåstad og den kanadiske provinsen Saskatchewan (kun 3 lag hadde denne). Elles litt rusk på både Bjørgen og Hegle Svendsen. På resten av spørsmåla var de gode. Underteikna må berre bøya seg i hatten.

Litt ymse innsats på musikken i kveld. Omlag halvparten av laga tok dei to første med rett både band og låt. Berre éitt lag visste U2 låta: HBO. Black Eyed Peas visste 12 av 14 lag, medan halvparten av laga tok Kings of Leon med rett låt. Best på musikken var nettopp HBO som scora 10 av 10. På film -og TV-delen var det Demolition Man som var vanskelegast. Berre fem lag tok denne. Elles brukbar innsats. Heile 13 av 14 lag hugsa karakterane frå Pretty Woman. Best på denne delen var HDPT, Blanda Drops og Spionane som kunne setta 7 av 8 oppnåelege poeng i banken. Totalt sett på arket var det Blanda Drops som var best med sterke 16 poeng. Veldig bra jenter + Reidar!

Rop Ut Quizen vart ein finale mellom Caroline frå Furuly 4 Ever og Oddmund frå HBO. Caroline var einaste i salen som hadde kontroll på Bruno Mars, medan Oddmund kan sin USA-geografi. Rett svar på kva delstat Camp David ligg i: Maryland. Bra! I finalen handla det om 10-årsjubileet til Operahuset, og Oddmund sikra seg B2B Rop Ut Quiz sigrar med rett svar før spørsmålet var ferdig stilt. Well done og god tur på kino!

Halvvegs var det Blanda Drops og HBO som hadde fått ei luke ned til resten av laga. Blanda Drops best med strålande 35 poeng. HBO poenget bak.

For underteikna ville nok dagens kategoriar på tredjearket vert draumekategoriar dersom ein sjølv skulle delteke på quiz. Historisk Geografi og Musikalsk Geografi var tema, og det var knytt spaning til kor bra laga kom til å løyse dette. På historiedelen tok like greit tre lag full pott med 8 poeng: Dei Hjelpelause, HBO og BJoP. Sterkt! Dei var dei einaste som prikka inn tidlegare hovudstad i Sør-Yemen, nemleg Aden. Elles var spørsmålet om Polen denne kategoriens nøtt. I tillegg til dei tre nemnte laga var det berre to andre lag som tok denne. Ølen, Beograd, Iran og Thailand kunne dei alle fleste, medan halvparten av laga tok Nixon og Vietnamkrigen. På musikkdelen var det ingen som klarte alle dei rette svara, men heile sju lag henta 7 av 8: Anyohaseyo, BJoP, HBO, A Walk in the Park, HDPT, Blanda Drops og QF. Stort sett bra på dei fleste spørsmål her, med unntak av to: Berre 6 av 14 lag hadde både Stanley Jacobsen og rett heimkommune Sveio. Mest rystande var det at visesongar Vidar på BJoP her tippa Jacobsen var frå Masfjorden. Kva er det ungomen seier? LOL? Dei revansjerte seg litt med å vere einaste lag som tok hovudstaden på Barbados. Bravo! Totalt sett på tredjearket var det HBO som var best med sine 15 poeng. Imponerande!

Lett Blanding skulle bli litt verre enn vanleg i kveld. Snittet enda på litt skuffande 9,4 poeng. God kunnskap av mange lag, og dei 8 første spørsmåla gav bra utteljing. Overraskande mange fekk problem med læra om lys, medan mange gjekk for feil motorsykkelmerkje. Elles bra. Verst var likevel det å skrive dei amerikanske byane rett. Berre to lag klarte alle tre: HBO og Sviskene. På dei 7 dødssyndene var det òg mykje grums. Kun éitt lag var påskrudd og tok alle 4: HBO. Med 15 av 15 poeng på HBO tok dei innersvingen på alle dei andre. Nest beste lag BJoP heile tre poeng bak. Godkjent score på HDPT, Anyohaseyo og Fonna i Krise med sine 11 poeng òg.

Om Lett Blanding var litt vrient i kveld, skulle det likevel visa seg at det var biletearket som var verst. Eit snitt på dryge 8 poeng er utanom normalen. Dei Sporadiske var best med sine gode 12 poeng. QF godkjent med sine 11 og HBO og Sviskene OK med sine 10. Resten av laga sleit.

Totalt sett så var det ingen verdens ting å gjere med HBO i kveld. Dei utklassa dei andre og vann med heile 11 poeng føre BJoP på andre og 12 poeng føre Blanda Drops på tredjeplass.

Kveldens resultat vil seie at me allereie éin runde før slutt har ei avgjerdsle i samanlagtkampen. Bjelland Juletre og Pyntegrønt er meistrar, Quizteleg Fjolleparti tek sølvet, medan Heise Bra Opplegg tek bronsen. Godt jobba heile gjengen! Rekna med de alle stiller på siste quiz og viser kven som er lurast?!

Det var den crazy gjengen på laget Dei Sporadiske som vart trekt ut som glade vinnarar av to gratisbillettar til konsert med Sagvåg Musikklag og Sigurd Sele på Arena den 20.april. God fornøyelse!

Quizvert var Jon, med groovy Geir som barsjef og awesome Alexandra som servitør.

Takk for ein praktfull kveld og vel møtt igjen torsdag 19.april til sesongens siste quiz!

Resultat quiz 14 av 15 våren 2018 - 12.april:
(Trykk på bileta for større visning)

Samanlagtstilling etter 14 av 15 rundar:

Alle spørsmål med fasit:

Torsdagsquiz 13 - 05.april 2018

Under følgjer resultat, spørsmål og svar.

13 flotte lag deltok denne fine vårkvelden. Snittscoren var på dryge 57 poeng av totalt 85 moglege. 6 av 13 lag over 60 poeng denne gong.

Om det var ein hard påske eller om folk byrjar verta leie av quiz er uvisst, men denne torsdagskvelden var det berre 13 lag som stilte til start. Uansett var det ei fin samling folk, så kvelden ville nok verta bra denne gong og.

Det vart ein god start på dei aller fleste. Eit ikkje altfor vanskeleg førsteark om aktuelle hendingar resulterte i eit snitt på snaue 17 råsterke poeng av dei vanlege 21 oppnåelege. Alle lag enda på mellom 14 og 20 poeng. Veldig bra! Spørsmåla flest lag sleit med var antal OL-medaljar Bjørndalen tok i løpet av si karriere, i kva fylke Simostranda (ikkje Simonstranda) ligg, frå kva kommune Noregs nye Justisminister Tor Mikkel Wara kjem frå og tittelen på bilete til gatekunstnaren AFK av Sylvi Listhaug. Fleire gode og morsomme forslag på sistnemnte. Best i gong i kveld var Lex Lodney, som nok ein gong viser klasse på dei aktuelle spørsmåla og henta 20 av 21 poeng. Også god innsats av BJoP og Blanda Drops med sine 19 poeng.

Ark 2 med musikk, film og TV skulle i kveld handla om vatn. Snittet enda på snaue 13 poeng av 18 mulege, noko så må vere godkjent. Dei aller fleste hadde kontroll på toppseil og Erik Bye, og prikka dermed inn Skoværvalsen. QF prøvde seg med tittelen Sjømannsvise. Rystande. Trudde dette var allmenn kunnskap og gratispoeng? Hodet Over Vannet, Waterfalls og Cry Me a River gav også god utteljing. Verst var sistelåten til Backstreet Boys: Drowning. Mange lag var på viddene her. Best på musikken i kveld var Blanda Drops og Dei Hjelpelause som henta 10 av 10 poeng. På film -og TV delen var det mange som bomma på Wenche Foss (nokon prøvde seg på Elsa Lystad og Wenche Myhre, ai ai ai), dei aller fleste hadde River Phoenix, medan årstalet Waterworld kom ut berre vart nagla av eit fåtal av laga. Sviskene prøvde seg med det herrens år av 199. Kanskje litt tidleg?! Også overraskande mykje grums på påskekrim og teiknefilmar. Best på denne delen var BJoP som hadde full pott med 8 poeng. Best totalt på arket var BJoP og Blanda Drops med 16 av 18 poeng. Det normalt sterke laget Dei Sporadiske og Fonna i Krise (med berre to deltakarar) litt i... ja, krise her med sine 8 poeng, og dermed litt på etterskot i samandraget.

Rop Ut Quizen halvvegs gav oss ein finale mellom Solveig frå Dei Hjelpelause og Oddmund frå HBO. Uttrykket "Mer til Overs" forbindast med Europris. Dette visste Solveig. Og Oddmund visste at det er Volvo som skal nytta namnet Polestar om el-bilane sine. I finalen fekk dei spørsmål om kva filmar Knut Bohwim er kjent for å ha regissert. Dette visste Oddmund og sikra seg dermed to kinobillettar. Rett svar: Olsenbanden-filmane. God tur på kino!

I leiing halvvegs fann me BJoP og Blanda Drops med 35 poeng. QF og LL to poeng bak med 33.

Ark 3 hadde denne gong fått kategoriane Bein / Skeiv. Det kunne verta spanande. Det byrja tøft. Elementære hovudstadar alle burde tatt på strak arm er tydlegvis ei utfordring. Berre tre lag kunne ElfenBEINskysten sin Yamoussoukro. Dog med alternative stavemåtar. Kun fire lag visste det er 206 bein/knoklar i menneskekroppen. Heldigvis betre på teikneseriar. 12 av 13 lag hadde både Per Ulv og Bippe Stankelbein her. "Shut up legs!" var standarduttrykket til tyske Jens Voigt då han hadde det på det tyngste opp dei brattaste fjell i til dømes Tour de France. Berre Fonna i Krise kunne dette. BJoP visste dog det var Voigt, men hadde ingen anelse om kva land han kjem frå. Hehe. Til slutt handla det om bein på høvesvis skorpion og tarantell. Begge med åtte bein. Berre Bedre Seint Enn Sist og BJoP klarte begge. Best i kategorien "bein" var BJoP med sine 7 av 8 poeng. Over til kategorien "skeiv" byrja det elendig. Samtlege lag bomma på årstalet for når likekjønna ekteskap var tillete i Noreg. Hornhinna / auga tok 12 av 13 lag. Elles var det omlag halvparten av laga som tok dei øvrige spørsmåla. Best på denne delen var LL, BJoP, Dei Hjelpelause og HBO som tok 7 av 8 poeng. Totalt på ark 3 denne gong utklassa BJoP dei øvrige med sine 14 av 16 poeng. Fem lag hamna på 10 poeng og måtte dermed avgi heile 4 poeng til samanlagtleiarane i vårsesongen. Snittet på 9 av 16 poeng vitna om at fleire av laga beint fram kom litt på skeivo på fleire av spørsmåla. Håhå.

Sistearket skulle også by på fleire utfordringar. Mykje greie spørsmål innleiingsvis, men berre to av laga klarte å para frukttypen Cavendish til banan. Også myopi gav laga problem. Berre fem av laga visste at dette var nærsynthet (eller -heit om ein skal vera pinleg nynorsk korrekt?). Port Salut skulle vere plankekøyring sjølv om QF med ein kokebokforfattar på laget gjekk for at dette måtte vere ei type pølse. Huff og huff. Mon tru om Port Salut i brød med ketchup og sennep kan vere noko? Overraskande mange lag var totalt på viddene når det kom til EDB-spørsmålet om IP-adresse. Heile sju lag bomma på denne forkortinga. Til slutt dreia det seg om Antikkens Sju Underverk, noko som skulle gi dei fleste lag hovudbry. Berre to lag klarte alle: Bedre Seint Enn Sist og HBO. Imponerande! De får pugga dei, så får me testa dykk på nytt til hausten. Hehe. Best på Lett Blanding arket var BJoP, Bedre Seint Enn Sist og HBO som alle makta 13 av 15 poeng. Snittet enda på 8,5.

Biletearket gav oss eit snitt på dryge 10 poeng, noko som må vere godkjent. Utanom Sviskene som hamna i alvorlig trøbbel, kom dei andre laga frå det med 8 rette eller betre. Beste lag vart QF som kun bomma på sjokoladen. Også bra av BJoP og LL med sine 13 poeng. Det var nettopp den nydelege sjokoladen MAX og rett by/årstal frå då Kjetil-André Aamodt tok OL-gull i Super-G som var dei vanskelegaste bileta på arket. Berre 5 av 13 lag klarte desse. Nest verst var Ruby Rose (6/13) og 25-øringen (7/13). Elles god innsats på resterande bilete. Mest oppsiktsvekkande var det at det framleis er lag om IKKJE kjenner att Zara Larsson. Sviskene og Har Det På Tunga gjekk på limpinnen nok ein gong. Jøye meg.

Totalt sett så vart det leikestove for Bjelland Juletre og Pyntegrønt i kveld. Med 75 poeng og heile 7 poeng ned til neste lag vart dei suverene og fortente vinnarar. Lex Lodney tok ein nesten like suveren andreplass med sine 68 poeng. Jamnt om tredjeplassen denne kvelden, der det kun skilde 1 poeng mellom fire lag. HBO enda på 63, medan både BSES, Blanda Drops og QF hadde 64. Best på bileta var som sagt QF, som dermed sikra seg siste pallplass.

I samandraget om siger i vårsesongen auka BJoP si leiing, og det spørs no om QF kan makta å ta dei att på dei to siste quizane. Tredjeplassen vert ein kamp mellom LL og HBO. Berre 5 poeng skiljer.

Det var den lure gjengen på laget Furuly 4 Ever som vart trekt ut som glade vinnarar av to gratisbillettar til konsert med Myhres PPT på Den Blå Time den 6.april. Vonar de koste dykk!

Quizvert var Jon, med vidundelige Vilde som barsjef og amazing Alexandra som servitør.

Takk for ein storarta kveld og vel møtt igjen torsdag 12.april til ny quiz!

Resultat quiz 13 av 15 våren 2018 - 05.april:
(Trykk på bileta for større visning)

Samanlagtstilling etter 13 av 15 rundar:

Alle spørsmål med fasit: