fredag 22. februar 2019

Torsdagsquiz 7 - 21.februar 2019





Under følgjer resultat, spørsmål og svar.

15 lag deltok og snittscoren var denne gong på vidunderlige 61,6 poeng av totalt 80 mulege. Åtte av laga kom seg over 60 poeng.

Med både Sverre og Geir indisponible grunna høvesvis sjukdom (litt snufsen) og VM i pizzalevering til ei større hjørnesteinsbedrift heile kvelden og natta, måtte altså underteikna og Marita steppa inn på kort varsel. Quizen var allereie laga av den snufsne, så det ville verta spanande å røra rundt i ein anna sin graut. Mistankar om at det kom til å bli kontroversar ville seinare visa seg å stemma veldig bra. Dei åtte første spørsmåla på opningsarket gjekk dog smertefritt. Og steikji kor godt dei aller fleste laga leverte. Litt rusk på dei to kommunespørsmåla var det likevel. Då me kom til spørsmål nummer ni starta kavet. Godaste Giske har altså ikkje enda opp med noko verv i Trøndelag AP endo, berre blitt innstilt som styremedlem. Med ein lokal varaordførar på krigsstien enda det opp slik det ofte gjer på Sverre sine quizar: Alle fekk poeng for dette upresise spørsmålet. Kjekt å gjere alle til laks.















Heile fire lag fekk ein draumestart med full pott: BJoP, HBO, Stord BTK og HDPT. Snittet enda på fenomenale 13,9. Altså litt for lite utfordrande? Eller kjekt?

Heldigvis hadde ikkje Geir laga noko enkel musikkquiz denne gong, slik at underteikna fekk sneke inn nokre utfordringar. Sjølvsagt skulle alle låtar vere kjent for dei fleste, men som vanleg var det fleire lag som fekk problem. Det gjorde ikkje BJoP som kunne notera seg for fine 17 av 18 mulege poeng på andrearket. Også godkjent av QF og Stord BTK som henta 15 poeng. Utanom rusket på somme at låtane var det årstalet for siste Robinsonekspedisjon som gav laga flest feilsvar. Snittet enda på heilt greie 12,5 poeng, og 14 av 15 lag leverte tosifra antal poeng.

Halvvegs var det Bjelland Juletre og Pyntegrønt som hadde tatt kommandoen. Dei hadde notert seg for heile 33 av 34 poeng. Like bak med 31 poeng låg Stord Bordtennisklubb, medan både Quizteleg Fjolleparti, Har Det På Tunga og Dei Sporadiske (29), Heise Bra Opplegg, Quizzedillas og Fonna i Krise (28) alle framleis var på skothald.

Kveldens to kvalifiseringsspørsmål på Rop Ut Quizen skulle handla om vårt kjære naboland i sør; Danmark. På første spørsmål klinka June frå Quizzedillas inn rett svar på eit spørsmål frå TV-serien Klovn. Deretter vart det spørt om kva kjøttkaker heiter på dansk. Før Aksel fekk prikka inn rett svar (frikadeller) kom likevel eit av kveldens høgdepunkt. Til stor forlystelse for både underteikna, lagkameratar og andre i salen fekk Oddvar frå BJoP skreke ut "KARTOFLER" akkurat passe høgt slik at det vart ei nydeleg pinleg suppe. Uansett, kven kan få seg ein herlig frikadellemiddag utan kartofler? Hehehe.

Som trøst for Oddvar vart også finalen heller pinleg. Ingen av kandidatane hadde snøring på dei tre første spørsmåla, så det måtte eit fjerde og enklare spørsmål til for å få delt ut vekas to kinobillettar. Og fritt etter KLM sin sketsj om Kvitt eller Dobbelt, der kandidaten (Kirkvåg) skal opp i temaet EIN SKJORTEKNAPP, får dei det same spørsmålet: "Kor mange hol har vanlegvis ein standard skjorteknapp?" Etter ei heller lang tenketid prøver Aksel seg: Fire? Og sjølvsagt var det rett! Til info røyk sjølvsagt Kirkvåg ut, på det som var hans første spørsmål, ved å svare "FEMOGTJUE?!". Haha.

Ark 3 handla i kveld om (endo meir) Danmark, samt Mat og Drikke. Og dette skulle vise seg å bli ein tur i parken, plankekøyring og easy peacy japaneasy. Eit snitt på 13 av dei mulege 16 poenga er oppsiktsvekkande høgt. Litt for lett vil nok enkelte meina, men likevel var det ingen lag som scora full pott. Best var QF, HBO, Stord BTK og LL med 15 poeng. I kategorien Danmark scora dei fleste full pott, med nokre unntak. Til dømes var Dei Sporadiske litt på villspor her. Radikale Venstre kalla dei for Rødt Valg(?!), medan dei utruleg nok klarte å plassera svenske Helsingborg blant Danmarks fire mest folkerike byar. Du slette tid. Kan det ha vert cappuccino overkill? Når det kom til Mat og Drikke spørsmåla dukka fleire upresise spørsmål/svar opp. Sjølvsagt er også Evergood eit av kaffimerka som Joh. Johannson står bak. Og spørsmålet om billegmerker knytta til rett butikkjede enda i parodi. Ikkje eit ideelt spørsmål, så det er berre til å orsake. Me får freista unngå slikt rot i framtida. Me får berre ha ein avtale om å sjå det litt an. Høhø.

Også Lett Blanding vart suksess for fleire av laga. Snittet enda på fine 11/15 poeng. Best var QF som greidde alle. Også bra av BJoP og HBO med 14 poeng. Spørsmåla flest lag rota med var Instragram-filtera og sideelvane til Gudbrandsdalslogen. Men også knoklane i leggen gav nokre løgne svar. To lag prøvde seg på ankel og kne. Huff og huff. Andre lag prøvde seg med 60km/t på spørsmål tre. Kanskje dette gjeld på Bømlo? Elles var det jamnt over bra levert på dei resterande spørsmåla. Eller forresten, når vart hokjønnet av reinsdyret kalla binne eller hinne?! Her må det ha vert alvorlige tilfelle av både hjerneblødning, blanding av snørr og bart, skinn som vart seld før bjørnen var skoten og snerk i kakaoen. Om eg hugsar rett har spørsmåla om hokjønnet til disse drøvtyggjarane vert med tidlegare, og kan om muleg returnera seinare, så då får de hugsa på at kolle faktisk er godkjent svar på samlege. Forresten, nokon som veit kva Noregs første kvinnelege stortingspresident heitte?

Biletearket gav eit snitt på 11,2 av 15 og det var to lag som nagla alle: BJoP og Dei Sporadiske. Flinke! Problemfjesa var Axel Bøyum, Olivia Colman, Niklas Baarli og Martin Samuelsen. Elles hadde dei fleste lag ålreit kontroll.

Fleire lag var gode denne kvelden, men som så ofte før var det BJoP, QF og HBO det skulle stå mellom då det skulle oppsummerast. Stord BTK som gjorde comeback for fjorten dagar sidan med siger, var på hugget også i kveld. Diverre for dei enda dei opp med den bitre fjerdeplassen og får heva løna si i himmelen. HBO enda på tredjeplassen med fine 70p. QF tok andreplassen med 72p, medan det var BJoP som suverent vann med sterke 75p. Kun fem feilsvar er imponerande. Grattis!

Samanlagt er det også BJoP som gjer det skarpast. Dei har 23p ned til QF på sølvplass, medan HBO innehar tredjeplassen 58p bak leiarlaget til kaptein Trine. Men me er berre halvvegs til sumars endo, så mykje kan endo skje.

Velkomen att torsdag 7.mars, altså om snaue to veker. Då er Sverre vonleg mindre snufsen og tilbake med årets åttande quiz.

Ekstrapremien gjekk i kveld til Quizzedillas som fekk med seg to gratisbillettar til Queen Tribute konsert på Arena 9.mars. God fornøyelse!

Quizvert var Jon, med Marie og Marita i baren.

Resultat quiz 7 av 14 våren 2019 - 21.februar:
(Trykk på bileta for større visning)











Samanlagtstilling etter av 14 rundar:














Alle spørsmål med fasit:







fredag 15. februar 2019

Torsdagsquiz 6 - 14.februar 2019





Under følgjer resultat, spørsmål og svar.

17 lag deltok og snittscoren var denne gong på moderate 49,4 poeng av totalt 80 mulege. Ni av laga kom seg over 50 poeng.

Det ser ut som me i 2019 har fått stabilisert oss på 17-19 lag kvar quiz. Elleve lag har deltatt på samtlege quizar til no i år, medan fleire lag har fått med seg 4-5 av dei 6 quizane me har hatt til no. Det er difor kjekt når det kjem nye lag. Denne kvelden var det to av dei: Elementary School og Ute På Djupt Vatn. Sjølv om ikkje quizkunnskapen var all verden, såg det likevel ut til at gjengen koste seg med godt i glaset og snakketøyet i høggir.

På dei aktuelle spørsmåla fekk dei aller fleste ein godkjent start. Eit snitt på 11,6 poeng vitnar om at de følgjer godt med på det som rører seg i nyhendebiletet. Fem lag tok kommandoen med 14 poeng: QF, BJoP, Quizedillas, Dei Hjelpelause og Har Det På Tunga. Nøtta på arket var regissøren av den nye storfilmen Amundsen som de kan få med dykk hos Tore på Kulturhuset i kveld. Espen Sandberg der altså. Elles var det mykje alternative tips på kor i Russland dei no har unntakstilstand pga isbjørn, samt litt rusk på Grammy-spørsmålet.

Med fare for å gjenta meg sjølv i det uendelege er som vanleg andrearket med musikk og underholdning svært variabelt. Dei som ivrar for god musikk gjer det sjølvsagt bra, medan dei som må ha gått glipp av mykje vakre tonar, eventuelt ikkje hugsar frå tolv til middag, scorar begredeleg. Intet unntak i kveld altså: Åtte lag scora greit, med poengfangst frå 10 til 14 poeng. Dei ni andre laga? Tre til åtte poeng. Huff. Kan musikkdelen lagast endo enklare? Tja. Eg vil anta dei aller fleste har hørt samtlege av kveldens låtar før. Snitt på arket: 8,8 poeng, ergo skuffande.

Halvvegs var QF i tet, med fleire lag halsande hakk i hæl.

Rop Ut Quizen vart ein finale mellom Ellen frå Vorslaget og Otte frå BJoP. Der fekk dei spørsmål om Henrik Thodesen sitt program på TV3: Henrik Über Alles. Det vart ein slags Déjà vu følelse då Otte fleska til med rett svar og hanka inn kinobillettane. Dette var sjølvsagt fordi han er bror til meir quizmerriterte Jakob, som gang på gang har stått i spotlighten og vunne både kinobillettar og jackpotar gjennom ein mannsalder med quiz på Frugård.

Ark 3 med dei variable kategoriane var i kveld både inspirert av og ein hyllest av dei to eminente i baren, nemleg Geir og Marie. Det såg ut til at spørsmåla fengja, for snittet vart såpass bra som 11,8 poeng. Heile 15 av 17 lag scora 9 poeng eller betre og det var QF og Stord BTK som var best med sine 15 poeng. Arkets nøtt handla om Geirr Tveitt. Berre fire lag visste dette og klarte i tillegg å skriva namnet hans rett.

Som på andrearket vart Lett Blanding også ekstremt variabelt. Sju lag får godkjent med 10 til 14 poeng i banken, medan resten av laga må heim og lese leksikon. Hehe. Snittet enda på 7,5 poeng og beste lag var Quizedillas med 14 poeng. Mange blanda Margit Sandemo og Sagaen om Isfolket med Bøkene om Morgan Kane av Hallbing/Masterson. Kor mange bøker om Isfolket enda det på? Kanskje me får spør om det neste gong. Elles urovekkande at så få kjenner til bandmedlemmane i supergruppa U2. Men men, no kan de dei til neste gong. Til slutt på arket dreia det seg som så ofte før om avansert geografi, noko som ALLTID er gøy. Nokre lag prøvde seg på Edinburgh. Kvifor vart det underkjent, mon tru? Og er Freetown i Sierra Leone einaste hovudstad i verdas sjølvstendige land som byrjar på bokstaven F? Kva med hovudstaden på Tuvalu? Og til dei av dykk som prøvde seg med Oslo og Paris, kva med hovudstadane i Canada og Burkina Faso, samt i til dømes Surinam og Kambodsja?

Kveldens bilete gav eit snitt på snaue 10 poeng og det var dei to samanlagtkanonene QF og BJoP som scora best med 14 av 15 rette. Biletet som skapte mest trøbbel for laga var ungdomsbiletet av Nils Arne Eggen. Opptil fleire lag prøvde seg her med Iversen, og Geir lanserte ein teori om at det måtte ver Eggen som er Steffen Iversens eigentlege far. Kven kveit kva som kan ha skjedd på Brakka på Lerkendal opp gjennom åra?

Totalt vart det ei rysare i toppen av tabellen. Fire lag kjempa om sigeren, og berre éitt fattig poeng skilde kamphanane. Tredjeplassen gjekk til LAMP, som utkonkurrerte HBO på fleire rette på andrearket etter at dei hadde like mange bilete og lik score på tredjearket. Poenget før LAMP og HBO havna BJoP og QF med 67 poeng. Også dei var like på bileta, så høgaste sum på eit av dei andre arka ville avgjer. Her trakk QF det lengste strået med 15 poeng på arket om Marie og Geir. Det er også disse to laga som har tatt initiativet i samandraget. Sjølv om det vart sølv i kveld, så leiar BJoP her med 18 poeng ned til QF. HBO ligg førebels på tredjeplass her.

Velkomen att neste torsdag, då er Sverre tilbake med årets sjuande quiz før me tek vinterferie i 14 dagar og returnerar med quiz att 7.mars, dagen før kvinnedagen (hint hint).

Ekstrapremien gjekk i kveld til Vorslaget som fekk med seg to gratisbillettar til konsert med Hilde Selvikvåg på Arena 22.mars. God fornøyelse!

Quizvert var Jon, med Marie og Geir i baren.

Resultat quiz 6 av 14 våren 2019 - 14.februar:
(Trykk på bileta for større visning)











Samanlagtstilling etter av 14 rundar:

















Alle spørsmål med fasit:










fredag 8. februar 2019

Torsdagsquiz 5 - 7.februar 2019





Under følgjer resultat, spørsmål og svar.

18 lag deltok og snittscoren var denne gong på litt fantastiske 61,2 poeng av totalt 80 mulege. Elleve av laga kom seg over 60 poeng.

Rop Ut Quizen vart vunne av Vidar frå BJoP i duell med Solveig frå Dei Hjelpelause.

Forøvrig? Stord Bordtennisklubb vann quizen! Eg er tom for ord.

Ekstrapremien gjekk i kveld til A Walk in the Park som fekk med seg to gratisbillettar til konsert med Hilde Selvikvåg på Arena. God fornøyelse!

Quizvert var Sverre, med Marie og Geir i baren.

Resultat quiz 5 av 14 våren 2019 - 7.februar:
(Trykk på bileta for større visning)











Samanlagtstilling etter av 14 rundar:
















Alle spørsmål med fasit:








fredag 1. februar 2019

Torsdagsquiz 4 - 31.januar 2019





Under følgjer resultat, spørsmål og svar.

19 velsigna lag deltok og snittscoren var denne gong på litt lave 49,2 poeng av totalt 80 mulege. Elleve av laga kom seg over 50 poeng.

Etter tre quizar med 17-18 lag vart det i kveld ny rekord for året med fine 19 lag på startstreken. Dei skulle få brynt seg godt på førstearket. Kun éitt lag kjende til Sivert Bjørnstad på det politiske innleiingsspørsmålet. Mykje grums på svensk politikk var det òg. Dei fleste scora bra på handballspørsmålet, kanskje med unntak av HBO. For som vanleg er dei heilt blanke på det dei kallar for "hands". Elles var det jamnt over grei innsats utan at nokon av laga gjorde storeslem. Snittet enda på om lag 10 poeng av dei 16 oppnåelege. Beste lag var BJoP, LAMP og QF som alle stonga inn 13 poeng.

Som så ofte før hadde kveldens quizvert overvurdert quizlagas kjenskap til musikk. Den er framleis litt for laber. Og det er nok muligens ikkje noko ein kan lære seg over natta. Nokså bra innsats var det likevel på dei to nyaste låtane, men heller trist på dei tre eldste. Riktignok var det fleire som kjende att både legendariske Rainbow og Hadmarksbandet Return. Også Skånevik Bluesfestival sitt trekkplaster for sommaren, Live, var det fleire lag som tok. Låta derimot, den hadde ingen. På underholdningsbiten kom også mange lag i trøbbel. Kun to av laga kunne minnast både Lunnan og Kiran frå 5PÅ!-programmet som gjekk på NRK på 80/90-talet. Mange blanda snørr med bart og prøvde seg både med Knut Bjørnsen, Per Jorsett og Lucy Smith her. Skal me freista eit spørsmål om Kvitt eller Dobbelt neste gong kanskje? Hehe. Fleire gode tips på kva Hobbiten-filmane heitte kom òg inn. Nokre sneik til seg poeng her, men dei fleste lag leverte tynn suppa. TV-serien SKAM hadde dei fleste kontroll på. Enten det, eller så tippa dei godt. Hehe. Snittet enda uansett på katastrofale 7,9 poeng, så me får sjå om det ikkje må justerast til litt meir fordøyelege musikalske innslag til neste gong. Kanskje Geir må spela nokon av låtane han har spela før. Nokon som mest truleg meinar det er dette nivået me bør liggja på er BJoP. Dei imponerte med 17 av 18 poeng. Flott innsats som gleda eit quiz-hjarta.

Halvvegs hadde BJoP tatt ei solid leiing med råsterke 30 av 34 poeng på ein litt småvrien start. På andreplass låg LAMP med fine 27p, medan QF og Dei Sporadiske hadde plassert seg på delt tredjeplass med sine 22p.

Atle frå Quizzedillas (kor mange lag deltar denne mannen eigentleg på?) var på hugget på Rop Ut Quizen denne kvelden. Der alle andre var blanke drog han opp kunnskap frå ungdomen og nagla Ole Høiland på spørsmålet om kven som rana Noregs Bank i 1835 ved å fila ein nøkkel etter hukommelsen. I finalen skulle han møta Oddmund frå HBO. Han var først ute med rett svar på kva vanleg tysk etternamn som tyder Bonde på norsk: Bauer. I finalen fekk dei følgjande spørsmål: Kva kallar me nordmenn det som dei på Island kallar for Vegabréf? Her vart det stille. Dei to kandidatane tenkte seg godt om. Til slutt gav Oddmund opp og meldte pass. Det var ikkje dumt, for det var nemleg rett svar! Gratulera og god kinotur!

Etter ein, for mange lag, litt traurig start på kveldens quiz, kunne dei fleste revansjera seg på tredjearket. Geografisk Sport og Matvanar såg ut til å fengja. Snittet enda på dryge 11 poeng av 16 mulege. Gledeleg å sjå at Quizzvazz og Har Det På Tunga lukkast og kunne triumfera over dei andre med sterke 15 av 16 poeng. Godt levert! Arkets "neter" som flest lag bomma på var Englands største "One Club" by, nemleg Leeds, samt kva land drikken Soju er den mest populære (Sør-Korea). Elles var det veldig bra av dei fleste lag.

Lett Blanding skulle òg verta eit godt ark for fleire. Snittet enda på snaue 11 av 15, og nok ein gong var det Quizzvazz som imponerte mest. Dei tok 14 av 15 poeng. Vanskelegaste spørsmåla var dei om Wien - Tsjekkia og dei norske kommunane på J. Mange ville ha med både Jessheim, Jæren og Jørpeland her. Du verden! Nordiske språk og edelgassar var veldig mange lag gode på. Bra!

Etter førre veke der heile 8 av 17 lag tok samtlege bilete og snittet låg på vannvittige 13,5 poeng, låg det i korta at det måtte justerast på nivået til denne veka. Det er jo ikkje Junior-Quiz me driv med, er det? Hehe. Kveldens bileteark gav eit snitt på snaue 10 poeng av 15, noko som er godkjent. Beste lag var BJoP som hadde 13 rette. Mykje diskusjon rundt snigelen, med mange teoriar og lag som freista fiska etter informasjon. Dei fleste (14 lag) løyste oppgåva rett til slutt. Elles var utfordringane å dra kjensel på Nina Dobrev (7 lag), litt grums på Queen og Havhesten. Dei Sporadiske var forøvrig svært nøgde med bilete nummer 12. Flott sveis! Fem lag kjende att triatleten, medan andre prøvde seg på f.eks.: Klitsjko, Jostein Sydnes, Kjell Storelid, Per Jorsett(!), Kurt Cobain, Sting og til slutt Sverre Sørensen. Hahaha. Moro!

Det vart aldri spanande mtp kven som i kveld skulle vinna quizen. BJoP var totalt suverene og cruisa inn til overlegen siger med 67 poeng, heile seks poeng føre neste lag. Sølvet gjekk til LAMP som då enda på 61 poeng, medan Quizzvazz tok ein flott tredjeplass med sine 58 poeng. Sterke lag som HBO, Dei Sporadiske og QF var alle henvist til dei delt fjerdeplass med sine 57 poeng.

Ekstrapremien gjekk i kveld til det nye laget Gonzales, som hadde årets russepresident Eldøy i sine rekkjer. Om ikkje quizresultatet vart heilt det store fekk dei likevel med seg tre gratisbillettar til Afterski på Arena laurdag kveld. God fornøyelse!

Quizvert var Jon, med Marie og Bertine i baren.

Resultat quiz 4 av 14 våren 2019 - 31.januar:
(Trykk på bileta for større visning)













Samanlagtstilling etter av 14 rundar:















Alle spørsmål med fasit: