fredag 23. mars 2018

Torsdagsquiz 12 - 22.mars 2018





Under følgjer resultat, spørsmål og svar.

19 stilige lag deltok frå start og 18 lag fullførte etter at me vart forlatt av det nye laget Team Jæren før quizen var ferdig. Snittscoren var på dryge 61 poeng av totalt 85 moglege. 11 av 18 lag over 60 poeng denne gong. Bra!

Då var det tid for påskeferie. Dette vil også seie 14 dagars quizpause, sidan me ikkje køyrer quiz på Maundy Thursday, som dei seier over there. Så og sei fullt hus og god stemning i kveld. Alexandra hadde gitt seg sjølv DJ-ansvaret i kveld, men etter ein liten time med spanske rytmar hadde Geir fått nok og ba om "noko skikkelig musikk før han vart hovudgalen". Hehe.

Førstearket med aktuelle spørsmål gav oss ikveld eit snitt på 14,4 poeng, noko som ikkje er så verst. Alle lag la seg mellom 11 og 19 poeng, så me unngjekk heldigvis totale katastroferopningar for nokre lag, noko det av og til er. Best av alle var Dei Sporadiske, medan BJoP følgte hakk i hæl poenget bak. Flest bomsvar fekk me på kor mykje oljefondet har tapt pga Facebook-skandalen, kor stor prosentandel av røystane Putin fekk og den nye filmen med Rooney Mara og Joaquin Phoenix. Også litt rusk på langrennsspørsmålet. Dei fleste henta poeng på Karl Petter Løken (eller Knut Petter som eit lag kalla han) spørsmålet, sjølv om det var ymse tips ute å gjekk på kor mange landskampar han fekk. Nokon fleska til med over 100. Dei fleste hadde kontroll på Gullbarbie-prisen til Bik Bok, så det vert spanande for Alex å sjå om nokon vågar seg innom til ho på butikken framover. Ho er uansett klar for å kle dei opp dersom dei ynskjer å føla seg verst muleg. 2. etasje på Amfi Senteret, der altså.

Også andrearket gav nokolunde gode resultat, sjølv om ingen var i nærleiken av full pott. Snittet endte på 13,4 poeng av dei vanlege 18 oppnåelege. Best var Fonna i Krise som glimta til med sterke 16 poeng. Fellesnemnaren på musikken var i kveld fargar, noko det var somme lag som ikkje kan ha fått med seg med tanke på kva svar dei presterte å skribla ned på svararket. Ikkje all verdens vanskelig var det, med kjente namn som Tom Jones, Joni Mitchell, Stones, Dylan og Soundgarden på plakaten. Best på musikken var Stord BTK og HBO som begge prikka inn 10 av 10 poeng. På film -og TV-delen handla det også om fargar. Gullars hadde dei fleste kontroll på, medan det var nokre få lag som var på viddene på fargefilmane til Kieslowski frå 90-talet. Muleg han hadde planlagt ein fjerde film kalla Grønn. Jul i Blåfjell var plankekøyring, men kven som spela Dronning Fjellrose sleit mange med. Både filmrangeringa og OITNB spørsmålet gav god utteljing. Best på denne delen av arket var Fonna i Krise som hadde rett på alt.

Oddvar fekk førre veke levert 2 kinobillettar (som han hadde til gode) på kontoret. Sidan han den gong tok seg til finalen med svaret Pikekyss, var det naturleg å få kinobillettane levert inni ein pose med nettopp pikekyss. Kven som er bodbringaren lurte han heise på, så han kjem nok til å gå folk i saumane på Kunnskapshuset i Sæ i næraste framtid. Også i kveld tok han seg til Rop Ut Quiz finalen. Denne gong var han først ut med rett svar på ein spørsmål om "damemusikk". Litt pinleg, kanskje? Hehe. I finalen møtte han Nils frå Lex Lodney som hadde kontroll på hovudstaden i Laos. Finalespørsmålet dreia seg om Jorge Mario Bergoglio, og etter litt tenketid var det Oddvar som kom på at Bergoglio faktisk er samme mann som pave Frans 1. Det tar nok ikkje lang tid før Tore vert lei av deg på Kulturhuset. Hehe.

Halvvegs var det nettopp Oddvar og hans gode kompaner på BJoP som hadde gått i brudd. Dei hadde fått ei luka på 2 poeng ned til QF og Dei Sporadiske. Like bak låg LL, HDPT, Tors Utvalgte og Stord BTK og vaka som gjedda i sivet. Angåande sistnemnte lag så var det nok likevel ikkje mange andre lag som skalv i knehasane. Alle veit jo at dei kollapsar etter kvart. Det kunne vert løye å tatt ein bileteserie av humøret til Lasse frå quizoppstart til quizslutt. Her snakkar me vanlegvis om ei særdeles si sid underleppa ved kveldens ende. Hehe.

Ark 3 dreia seg i dag om fargar (endo meir?!) og påske. Snittet enda på snaue 12 poeng av 16 mulege. Og fargar kan de. Heile ni lag tok full pott her. Litt verre på påskespørsmåla. Merkeleg mange bomma på Viggo Valle og svara her Roald Øyen. Ikkje imponerande. Jesu Oppstandelse hadde de god kontroll på. Verre då med Kaifas. Berre 7 lag visste dette. Pontius Pilatus som øvsteprest de, liksom. Eg må le. Nei, her må de nok fram med "eventyrboka" og friska litt opp, folkens. Påskekrim og Adam Dalgliesh visste mange, medan dei fleste hadde rett på langfredag på engelsk: Long Friday. Neida. Good Friday. Til underteikna si store glede var det faktisk eit lag som svara Long Friday. Applaus til Anyohaseyo! Hehe. Eller kva med Blanda Drops som må ha blanda både snørr, bart og drops og gjekk for Black Friday? Vanskelegast på arket var skjærtorsdag på engelsk. Berre Quizzvazz visste at det heiter Maundy Thursday. Ingen med full pott på påskespørsmåla. Tre lag med 7 av 8.

Lett Blanding skulle i kveld vere eit nokså greit ark. Og snittet på 11,6 av 15 vitna om at dei fleste hadde brukbar kontroll. Berre eit glissent Anyohaseyo fekk problem her og makta berre 4 poeng. Huff og huff. Her me de gå i dykkar sjølve i påsken og lesa dykk betre opp på.. tja.. alt mellom himmel og jord som kan dukka opp i kategorien Lett Blanding. Hehe. Lettare var spørsmåla for Lex Lodney og A Walk in the Park som imponerte med alle svar rette. Halleluja! Også fin innsats av BJoP, QF, HBO, HDPT og Quizzvazz som kom frå det med ein liten feil og 14 poeng. Sjølvsagt vart det litt krangling frå varaordføraren i kveld og. Og som vanleg var det om geografi. Men underteikna skjønar forvirringa. Svaret var upresist. Sjølvkritikk! Det enda med at alle lag fekk poeng både for Storbritannia (hekkans Gibraltar) og for Kypros (delt i to med ein europeisk og ein asiatisk del). Best å gjera alle til laks, som sikkert Asmund ein gong har sagt. Utanom geografirotet var det kanskje Hans Sperre jr. som skapte mest hovudbry. Men 5 lag hugsa faktisk badmintonvirtuosen. Også mykje alternative svar på kva Hansens sjukdom kan vere: fullasjuko, alkoholisme, skjørbuk, vannkoppar og klamydia. Nokon som har hatt alle? Haha.

Biletearket må ha vert noko lunde greit også denne kvelden. Snittet var på over 10 av 15. Best av alle var HBO som berre hadde feil på bilete av Andreas Nygård. Også BJoP, LL, QF og Dei Sporadiske gode med sine 13 poeng. Vanskelegast bilete å ta denne gong var skodespelar Famke Janssen (3 rette), nemnte Nygård som nyleg vann både Vasaloppet og Birken (4 rette) og USA sin nye utanriksminister Mike Pompeo (4 rette). Mest humor var det med BJoP som prøvde seg med Zara Larsson (igjen?!) på bilete av Famke Jansson. Hehehe. Forøvrig gledeleg at heile 7 lag prikka inn rett svar med Genesis på bilete av plata Selling England by the Pound. FOR eit meisterverk. Kjekt at nokon sit inne med slik "rett" kunnskap. Eg likar dykk.

Samanlagtleiar Bjelland Juletre og Pyntegrønt som leia halvvegs stod pinade distansen til gagns i kveld. Med den fine summen 74p trona dei øvst føre Lex Lodney med 73p og Quizteleg Fjolleparti med 72p. Nok ein gong måtte Oddmund og HBO ta til takke med den fortvilande fjerdeplassen. Og det med sterke 70p. Også godt gjennomført quiz av Har Det på Tunga med 69p og Dei Sporadiske med 68p. A Walk in the Park gjorde ein imponerande innsats i kveld når Christina ikkje var med og kverulerte dei vekk frå dei rette svara. 65p og 7.plass er eit løft for disse kjekke fløytene. Eit litt betre bileteark kunne verkeleg tatt dei mot stjernehimmelen.

Samanlagt held BJoP på leiinga føre QF. Det er disse to det nok ein gong står mellom i kampen om gullet. 24p skiller dei to arge konkurrentane. Eg luktar mykje prestisje her! Bak dei er det fleire lag som kan ta 3.plassen. HBO ligg best an med sine 224p føre LL med 221p, Dei Sporadiske med 205p og Har Det På Tunga med 204p.

Det var dei kjekke jentene på laget Spionane som vart trekt ut som glade vinnarar av to gratisbillettar til konsert med Sigurd Sele på Den Blå Time 28.mars. God konsertfornøyelse!

Quizvert var Jon, med effektive Geir som ryddehjelp og blømande Alexandra som barsjef og til tider DJ (til ho vart vraka).

Takk for ein elektrisk kveld og vel møtt igjen torsdag 05.april til ny quiz!

Resultat quiz 12 av 15 våren 2018 - 22.mars:
(Trykk på bileta for større visning)














Samanlagtstilling etter 12 av 15 rundar:


















Alle spørsmål med fasit: 








fredag 16. mars 2018

Torsdagsquiz 11 - 15.mars 2018





Under følgjer resultat, spørsmål og svar.

18 ypparlege lag deltok og snittscoren var på dryge 60 poeng av totalt 84(!) moglege. 11 av 18 lag over 60 poeng denne gong.

I kveld var det den strålande artisten og låtskrivaren Ryan Adams som stod for musikken fram til quizstart. Den gode mann Sigfred aka Raffen frå laget Stord BTK har laga ei aldeles utsøkt speleliste av Adams' beste låtar. Søk på "siggedydiggedy" på Spotify og følg spelelista, så vil eg tru de finn dykk nokre nye favorittlåtar. Då klokka runda 20.00 hadde me fått oss både mat og drikka og var såleis klare for å bryna dei små grå.

Så tok det altså 26 quizar før QM gjekk skikkelig og alvorlig på trynet med tanke på det faste poengoppsettet. Førstearket som alltid byr på 21 poeng var av ein uforståeleg grunn redusert til 20 poeng i kveld. For ein med OCD førte dette naturlegvis til tapt nattesøvn. Uansett skulle dei 18 gode laga levera eit godt poengsnitt på dei aktuelle spørsmåla med dryge 14 poeng. Best av alle var, nesten som vanleg, dei skrape knivane på laget Lex Lodney. Med sine 19 poeng var dei allereie 3 poeng føre sine argaste konkurrentar. Dei Sporadiske, Da e'kje Nåke å Diskutera og BJoP nest best med sine 16 poeng, medan eit heilt kobbel av lag hadde lagt seg på 13 til 15 poeng. Spørsmåla flest lag bomma på var nasjonaliteten til fiskaren, det korrekte namnet til den nyfødte, Trumps nye slagord, bydelane Roosevelt Island ligg mellom og Paralympics-greina snowboard. Elles var det mykje godt grei skuring på resten av spørsmåla. De følgjer godt med på dei viktige ting, dei fleste av dykk. Kanskje med unntak av de som trur Ham-Kam framleis spelar i Eliteserien. NB! Fotball ER sjølve livet. Hugs det. Hehe.

Listepop har nærast vert eit ikkje-eksisterande ord for underteikna dei siste 15 åra. Ikkje sidan Ti i Skuddet hitane vart tatt opp på kassett på 90-talet har eigentleg populærmusikk vert særleg prioritert eller verdsatt. Sjølvsagt med nokon unntak. Difor har sistelåten frå nyare tid vert den mest vriene å grava fram til den vanlege musikkquizen. For at ein song skal kome gjennom nålauga bør det vere ein song som folk flest har høyrt før, samstundes som tittelen på låta ikkje vert gitt vekk etter 3 sekund. Aller helst skal ikkje tittelen på låta spelast i det heile tatt, i alle fall ikkje før det har gått 40-50 sekund, og det dermed er muleg å kutta musikken før den tid. Utfordringa med sistelåta var difor ein av grunnane til at det til kveldens musikkquiz poppa opp ein idé om ein ny vri. I tillegg var det altså planlagt ein storstilt photoshoot denne kvelden, der nytt profilbilete til Facebooksida til quizen skulle bytast ut. Det tar seg jo ikkje ut med eit gamalt bilete av ein litt for tung Sverre på denne sida, hadde Alexandra kome fram til. Difor vart det førre veke planlagt at nytt profilbilete måtte takast. Og til det skulle alle stilla i blomstrete skjorter. Og det var muleg det måtte "posast" i sidestilt X crossing. Haha. Geir strålte av denne avgjerdsla, då han stolt kunne avsløra at "Då skal eg ha på meg den flotte, lyse, blomstrete og ultratronge skjorta mi". Hehe. QM som ikkje eigde ei einaste blomstrete skjorta måtte på handel, og dagen før quiz kunne to nye blomstrete Morris-skjorter hentast på Sagenes'en. Dette måtte bli stort. Skuffelsen vart ditto stor når meldingane om ei sjuk Alex tikka inn like før quizstart. Den blømande photoshooten måtte utsetjast til neste veke. Men med tanke på både den eine kategorien på tredjearket (som me kjem tilbake til lenger nede) og kveldens tema på musikkquizen, måtte det likevel ei blomstrete skjorte til pers denne kvelden. Geir som også stilte i si flotte, lyse, blomstrete og ultratronge skjorte fekk seg likevel ein tankevekkar. Han kunne jo ikkje stille i same skjorte også neste veke. Me veit jo alle at Oddmund er årvaken på nettopp dette med skjorter, og same skjorte to quizar på rad tar seg ikkje ut. Ergo: Geir fann ut at han snarast måtte avleggje sin gode ven og mentor innan motebransjen, Gunnar Irgens, eit besøk.

Uansett, det var altså tema-musikkquiz det vart. Og tema vart blomar. Nærare bestemt roser. Og mange fine songar har vert skrive om nettopp roser. Ein av dei mest kjende er Bette Midler sin The Rose frå seint 70-tal. Dei fleste laga hadde også stålkontroll på denne. For enkelte var det litt verre med Bon Jovi sin Bed of Roses. Enkelte lag dobla opp rosene her med å gå for Guns 'n Roses. Ikkje bra. Vidare vart det servert Seal sin Kiss From A Rose og Nick Cave (i duett med Kylie Minogue) sin Where The Wild Roses Grow. Fleire lag prøvde seg med tittelen Wild Roses på sistnemnte, noko som ikkje var presist nok og dermed ikkje vart lønna med poeng. Sistelåta var nok den vanskelegaste. Dei fleste høyrte det var Sting som song, men tittelen Desert Rose var det berre eit fåtal av laga som nagla. Best på musikken var Furuly 4 Ever, Anyohaseyo, Dei Hjelpelause, HBO, QF og Tors Utvalgte som tok samtlege artistar/band og låtar. Slikt likar me!

Del 2 av andrearket dreiar seg som vanleg om Film og TV. Opningsspørsmålet her var av dagsaktuell art, sidan det handla om filmen om nyleg avdøde Stephen Hawking, eller Hawkins som somme lag kalla han i kveld. God utteljing her. Om lag halvparten av laga hugsa Cecilie Skog frå Til Toppen av Norge, medan dei fleste hadde kontroll på Forest Whitaker og The Last King of Scotland. Også dei to siste spørsmåla om Ferris Bueller og Gossip Girl var veldig bra score for dei aller fleste. Best på Film og TV i kveld var laga Furuly 4 Ever - Dei Utstøtte, Furuly 4 Ever og Da e'kje Nåke å Diskutera som hadde full pott. Totalt på andreaket var det Furuly 4 Ever som dominerte dei andre laga med samtlege svar rett. Imponerande innsats! Eit snitt på snaue 15 av 18 poeng vitna om ein quizgjeng som var på hugget denne kvelden.

Rop Ut Quizen halvvegs vart ein finale mellom Atle frå Tors Utvalgte (for anledningen på krykker) og lettskremte Betty frå A Walk In The Park. Atle tok seg til finalen med kunnskap om penicilin og Alexander Fleming, medan Betty imponerte heile salen med å kunna kva land Bangui er hovudstad i. Nemleg Den Sentralafrikanske Republikk. Bravo! Dette er ei dame etter QMs smak! I finalen var det Atle som trakk det lengste strået. Han har nok vert i Casino, og visste følgjeleg at den som deler ut korta m.m. kallast for croupier. Grattis med to fortente kinobillettar!

Halvvegs var utruleg nok Sverre sitt lag Da e'kje Nåke å Diskutera i delt leiing med Furuly 4 Ever. I kveld hadde dei nemleg fått med seg den mest kunnskapsrike broren, Inge, på laget. Og etter ryktene hadde han lekt seg på både musikk, film og TV. Nest best halvvegs var BJoP og LL med 32 poeng. Og fleire lag følgte tett like bak.

Så tilbake til kategoriane på ark 3, som altså skulle gjenspegla kveldens antrekk på gutane i baren. I alle fall den eine av kategoriane, nemleg Blomar. Når ein i tillegg fekk med klassikaren frå haustsesongen Kor i Verden?, så måtte det vel bli ein bra runde. Og det vart det for dei aller fleste. Snittet låg på dryge 12 poeng av 16 mulege, og samtlege lag låg frå 9 til 14 poeng. Heile sju lag kom frå det med berre to små feil. I kategorien Blomar var det bergmynte (oregano) og Asterix (Edelweiss) som skapte mest hovudbry for laga. 10 av 18 lag tok desse. Prikling kunne alle. Samtlege lag tok også alle tre fargane. Og 16 av 18 lag tok dei engelske namna. Meget sterkt! På geografidelen var det stort sett grei skuring på Madrid (15/18) og Tromsø (17/18). Også Wien/Bratislava var grei for mange (11/18). Verst var det å prikka inn 2 av 2 poeng på Bronx/Yankees (Berre QF og HBO hadde begge) og Skellefteå/Luleå. På sistnemnte var det berre Da e'kje Nåke å Diskutera og dei sjarmerande damene på laget Sviskene som hadde treff på begge dei svenske byane.

Sistearket med Lett Blanding skulle by på alt i frå kjemi og natur til engelsk og japansk i kveld. Maur kunne dei fleste. Også japansk var de gode på. Engelsk fotball prikka 14 av 18 lag inn samtlege 6 PL vinnarar sidan starten i '92. Bra! Dei to tyngste spørsmåla var det om salpetersyra (6/18) og utdraget frå ein song. Fleire visste namnet på songen (When The Stars Go Blue), men utruleg nok var det berre QF som visste det var fenomenale Ryan Adams som hadde originalen. Kurt Nilsen og Venke Knutson song sjølvsagt berre ein dårleg coverversjon. Til slutt var det engelsk staving, og heile 11 av 18 lag stava alle dei tre orda rett. Well done. Verst var det nye laget, The Others, som bomma på alle tre. Godt de er i bankbransjen og ikkje engelsklærarar. Hehe. Snittet var på litt over 10 poeng av dei vanlege 15, og beste lag var QF som lekte inn samtlege rette svar. God butikk, med tanke på at dei nest beste laga hadde 12 poeng.

Biletearket bydde nok ein gong på 15 fjes denne gong, og nokon nøtter skulle det vere. Berre Dei Hjelpelause og HBO tok Syd Barrett (Hallo? Pink Floyd ER pensum!), medan laga framleis har store problem med Zara Larsson. Og dette som nærast var annonsert i forrige vekes blogginnlegg?! Haha. Kun to(!) lag kjente igjen den svenske popyndlingen: The Others og Da e'kje Nåke å Diskutera. Pinleg, folkens! Skal me bli enige om at alle lag får rett på frøken Larsson dersom ho dukkar opp igjen før ferien? Det vert spanande å sjå. Nest mest vriene av bileta var Maggio (6/18) og minister Nybø (8/18). Våre gode vener frå Statoil, som snart må kunne kalla seg stordabuar, bomma sjølvsagt på biletet av varaordførar Bjelland som einaste lag. Dei røystar nok ikkje SP, dei. Snittet på bileta var på 9+, medan det var QF som nok ein gong var best med sine 13 poeng. Også godkjent på BJoP og Har Det På Tunga med sine 12.

Det vart jamnt i toppen i kveld. Berre fire poeng skilde 7.plassen frå sølvplassen. På delt fjerdeplass med 68 poeng hamna Da e'kje Nåke å Diskutera og Furuly 4 Ever som gjorde ein gledeleg god innsats i kveld. Lex Lodney og BJoP hamna begge på 69 poeng, men det var BJoP som sneik til seg sølvet grunna betre utteljing på bileta. Faktisk kunne Sverre sitt lag stjåle sølvet frå dei, om dei berre hadde kutta to bokstavar på bilete nummer 9. Giraffen vart ikkje godkjent. Alle veit jo at tøydukka frå Portveien 2 heiter Raffen. Uansett, aleine på toppen med sine 73 poeng, stod den glupe QF-gjengen. Grattis til medaljørane, men også skryt til mange lag for god kunnskap denne kvelden. Som sagt i innleiinga: 11 av 18 lag over 60 poeng. Det er "innafor", som ungdomen likar å sei det.

Det var det "nye" fine laget The Others som vart trekt ut som glade vinnarar av to gratisbillettar til konsert med Myhres PPT på Den Blå Time 6.april. God konsertfornøyelse og lat oss håpa at ikkje alt for mange av songane går på engelsk...

Quizvert var Jon, med heite Geir og stilige Marita i baren.

Takk for ein grandios kveld og vel møtt igjen torsdag 22.mars til ny quiz!

Resultat quiz 11 av 15 våren 2018 - 15.mars:
(Trykk på bileta for større visning)













Samanlagtstilling etter 11 av 15 rundar:


















Alle spørsmål med fasit:








fredag 9. mars 2018

Torsdagsquiz 10 - 08.mars 2018





Under følgjer resultat, spørsmål og svar.

16 blide lag deltok og snittscoren var på meget sterke 61 poeng pluss (av totalt 85 moglege). Heile 11 av 16 lag over 60 poeng denne gong. Strålande!

Så var det klart for quiz igjen, og det på sjølvaste kvinnedagen. 16 lag hadde tatt turen, inkludert det nye laget Trønderbataljonen. Dei bestod forøvrig av kun menn, så lat oss ikkje håpa dei tok skrekken heilt sidan kveldens quiz nesten utelukkande skulle handla om damer. Elles mangla nokre av våre faste lag i Tors Utvalgte og FIA HOFA, samt Stord BTK som stadig vekk trugar med at dei aldri meir skal gå på quiz. Spesielt dersom dei er misnøgde med spørsmåla. Reknar med dei feira kvinnedagen med brask og bram denne aften.

Det er ikkje alltid like enkelt å vere quizvert, og ofte ein kamp for å unngå å få rasande tilbakemeldingar frå lag som synast det er for vanskelege spørsmål. Merkeleg nok kjem det ros og gode tilbakemeldingar frå laga som ligg i toppen. No skal underteikna vere den første til å vedgå at dei siste vekes quizar kanskje har vert i overkant utfordrande, så det var med håp om ein overkommeleg og kjekk quiz det vart skridd til verket i quizprosessen denne veka. Og sidan det var kvinnedag, måtte som sagt quizen handla om nettopp kvinner. Samt den måtte ikkje verta for avansert.

Førstearket skulle verta ein god opplevelse for dei aller fleste. Snittet var på fine 15,5 poeng. Heile 11 av 16 lag henta 15 poeng eller meir av dei vanlege 21 oppnåelege. Dette vitnar om at de følgjer med på kva som rører seg i nyhendebiletet. Det gledar. Mange opplagte spørsmål denne gong, og ein treng ofte ikkje vere blekksprut for å skjøne kva som kan kome opp av quizhatten. Nokre nøtter må ein likevel ha for å kunne skilje dei gode frå dei aller beste. Denne gong var det muleg spørsmåla om Helene Olafsen, kvinnelandslaget i fotball og Oscar-utdelerane som laga sleit mest med. Sleit gjorde derimot ikkje Lex Lodney. Med orakelet Nils tilbake i manesjen klinka dei like godt til med alle svar rette. Imponerande! Også Dei Hjelpelause med sine 20 poeng og Dei Sporadiske med 19 fekk ein framifrå start. Verste svar på førstearket stod laget til Sverre for. Dei skal i kveld nemleg følgja Solveig Thomassen og hennar jakt på tittelen Mesternes Mester. Huff og huff.

Også kveldens fem utvalgte musikalske innslag skulle handle om damer. Og dei skulle vere kjende for samtlege. Sweet Caroline av Neil Diamond (ikkje Sedaka!) er magisk. Kven har ikkje sunge allsong på den? Litt skuffande at Caroline på Furuly 4 Ever ikkje kunne denne?! Også Dire Straits si sviske om Romeo og Juliet er ein prima låt. Mange lag gjekk her for tittelen Juliet, noko det ikkje vart gitt poeng for. Rett skal vere rett, og det får vere måte på kor dumsnill ein kan vere. Hehe. Flest lag sleit med Abel-låta Lydia frå hans debutalbum Snowboy frå 1997. Kanskje hans beste song? Til slutt hadde brorparten av laga kontroll på Nordstoga med Heim Til Mor og First Aid Kit sin nydelege låt Emmylou. Best av alle på musikkdelen var Dei Sporadiske, QF og Da e'kje Nåke å Diskutera, som alle hadde 10 av 10 poeng. Mykje gode svar også på film -og TV spørsmåla. Det laga sleit mest med var Casinovertinne Kathrine Sørland. Dessutan var det fire lag som blanda Synnøve Svabø med Synnøve Skarbø, noko som sjølvsagt ikkje kom forbi argusaugene til den som retta. Best på andrearket i kveld var Dei Sporadiske som banka inn alle 18 poeng. Flinke! Godkjent også til LL, BJoP og HBO som alle fekk 16 poeng.

Rop Ut Quiz finalen i kveld stod mellom Oddmund og Oddvar. Oddmund kvalifiserte seg inn med å ropa OTTAR, medan Oddvar kunne briljera med sine kulinariske pikekyssferdighetar. I finalen vart det derimot tyngre. I motsetning til heile salen hadde dei to finalekandidatane aldri hørt om verken Sigrid Undset eller Emma Tallulah. Betre vart det heldigvis på finalespørsmål nummer tre. Og fotball kan Oddvar. Rett svar på heimebanen til engelske Southampton er som dei fleste veit: St. Mary's.

Halvvegs var det Lex Lodney og Dei Sporadiske som hadde kome best i gong. Begge med råsterke 37 av 39 oppnåelege poeng. Nest best var Dei Hjelpelause og BJoP med sine 34 poeng.

Over til ark 3 og to flunka nye kategoriar som det er kvar veke. Spørsmålet var kor dristig det gjekk an å vere på kvinnedagen. Kategorien Handarbeid var den første som datt inn i hovudet. Damer er både glad i og gode på handarbeid. Utan å vere mannsjåvinistisk måtte no det vere ein god kategori. Så var det den andre. Her kom det inn eit forslag frå flanken på Husvask. Huff. Det skulle tatt seg ut. Nei, det temaet var det ikkje nok ballar til å ta med. Kanskje neste veke. Haha. Nei, det vart Historiske Damer. Nokre reine herrelag fortvila naturlegvis over temaet Handarbeid, men korleis har fleire av dei reine damelaga det når det dukkar opp tema som f.eks. fotball og motor? Nei, herrelaga fekk bita det i seg. Gledeleg nok var det overraskande god innsats på handarbeidet. Fleire lag briljerte verkeleg. Best av dei alle var Har Det På Tunga som plukka 8 av 8 poeng. Nice! Spørsmålet flest lag sleit med var kva ein gjørtler syslar med. De veit det no. Kanskje de allereie går svangre med seriøse gjørtleplanar i helga. På Historiske Damer var det kun laget Da e'kje Nåke å Diskutera som tok full pott. Ikkje verst med tanke på at Sverre var med på laget! Største nøtta her var Golden Goal dama frå OL i Sydney, nemleg Dagny Mellgren. Kun fire lag visste den. Også Jeanne d'Arc aka Jomfruen fra Orleans var litt vrien. 7 av 16 lag tok den. Totalt på arket var det Anne Beth og co frå Har Det På Tunga som feide gulvet med dei andre laga og plukka fine 15 av 16 poeng. Snittet var på 12 av 16. Slettes ikkje verst. Verst ut kom to reine herrelag, nemleg nykommarane Trønderbataljonen og QF (som mista dei tre damene sine Line, Hege og Marius halvvegs i quizen grunna spysjuka i heimen). Då enda begge lag på 9 poeng, noko som må seiast å vere heilt OK i for dei ukjent terreng.

Forøvrig dukka det opp ei utruleg historie i minnet når Rosa Parks vart tatt med i spørsmåla om Historiske Damer. Så om ein byrjar historia som dei gjer på Rorbua: Det hadde seg slik at ein nordmann var på forretningsreise i Amerika på 50-talet, og som kjent var det grusomme raseskillet toneangivande på den tida. Mannen skulle på ein konferranse og måtte såleis ta inn på hotell. Problemet var at det var mange som skulle på denne konferransen, og det var ikkje råd å få eit einaste hotellrom i byen. Vel og merka hotellrom for kvite. Då vart gode råd dyre for mannen, og han gjekk til innkjøp av skokrem som han smurte inn andletet med. Så gjekk han på eit hotell for svarte og fekk seg eit rom for natta. Konferransen byrja tidleg neste morgon, så han tinga vekking i resepsjonen til tidleg kommande dag. Hotellet låg litt avsides, så når mannen tidleg neste morgon skulle inn til byen på konferransen, var han avhengig av å ta tog ei lita strekning. Og som tingenes tilstand var på den tida, var det altså eigne vogner for kvite, og eigne for svarte. Mannen gjekk naturlegvis ombord i ei vogn for kvite, men vart fort avvist. Ah, sjølvsagt. Han hadde gløymd å vaske vekk skokremen i andletet! I full fart sprang han inn på næraste toalett og byrja skrubba seg grundig i fjeset. Men samme kor mykje han vaska og skrubba vart han ikkje kvit. Og då lurer ein kanskje på korleis dette kunne ha seg? Jo, det viste seg faktisk at resepsjonisten hadde vekka opp feil mann... Skal vi ikke være duuuuuus, og være venna..... Høhø.

Lett Blanding hadde også eit feminint preg i kveld. Veldig mykje gode og rette svar på dei sju første spørsmåla. Så vart det verre. Berre 9 av dei 16 laga visste at Janis Joplin vart kalla Pearl. Trudde dette var obligatorisk pensum, folkens? Endo verre var det med statsministerdamene på spørsmål 9. Kun Lex Lodney og Anyohaseyo tok alle tre. Rimeleg oppsiktsvekkande at tunge politikarar som Blålid, Bjelland, Haga og Akselsen ikkje kunne håtta disse? Skammekrok? Oh yes. Også overraskande elendig kunnskap på delstatshovudstadane i siste oppgåva. Berre QF med ein opplagt $ørebø i spissen kom frå det med æra i behald. Dei klarte 3 av 4. Utanom LL som tok 2 av dei, var resten av laga totalt på villspor. Enten null eller eit einsleg poeng. Her må de heim og pugga! De veit jo at USA er kjekt å spør om på quiz. Best på arket totalt sett var LL og QF med 13 av 15 poeng. Snittet enda på litt lave snaue 9 poeng, mykje grunna laga sine problem med Ingrid, Bjørg, Hanne, Cheyenne, Augusta, Madison og Helena.

Biletearket gav i kveld gode resultat. Snitt over 11 er bra. Beste lag var Dei Sporadiske, BJoP og A Walk in the Park som alle fleska til med 14 av 15 rette. Bra! Dårlegast score gav bileta av Ingrid Bjerkås (6/16) og Zara Larsson (7/16). Dersom underteikna hugsar rett hadde tidlegare QM Sverre Zara Larsson med på biletearket tre gongar i løpet av eit år, og laget mitt den gong bomma på det samtlege gongar. Haha. Sjå opp for Zara i framtida og.

Totalt var det ingen verdens ting å gjere med den kjekke gjengen på laget Lex Lodney i kveld. Dei utklassa resten og vann med sterke 77 poeng. Nærast, også med ein fin score, kom Dei Sporadiske med 73 poeng. BJoP kapra tredjeplassen. Elles oppløftande med mange lag på over 60 poeng.

På kvinnedagen måtte det bli dei supre jentene på laget A Walk in the Park som heilt tilfeldig vart trekt ut som glade vinnarar av to gratisbillettar til konsert med Myhres PPT på Den Blå Time 6.april. God konsertfornøyelse vakre piker!

Quizvert var Jon, med fløyelsmjuke Geir og rytmiske Alex i baren.

Takk for ein eminent kveld og vel møtt igjen torsdag 15.mars til ny quiz!

Resultat quiz 10 av 15 våren 2018 - 08.mars:
(Trykk på bileta for større visning)













Samanlagtstilling etter 10 av 15 rundar:



















Alle spørsmål med fasit:








fredag 2. mars 2018

Torsdagsquiz 09 - 01.mars 2018





Under følgjer resultat, spørsmål og svar.

19 skarpe lag deltok og snittscoren var på snaue 56 poeng (av totalt 85 moglege).

Lat meg først få orsaka for eit litt kortare og mindre deltajert resymé enn det de får til vanleg, men grunna hyttetur til fjells vert det knapt med tid denne fredagen. Så til de av dykk som syslar med innbrot, her har de ein ypparleg sjans i løpet av helga. Haha.

Yes, så var det altså torsdag igjen, og det på sjølvaste 1.mars som skal vere første vårdagen. Yeah, right. Godaste Stein Ove Berg vrir seg nok 6 fot under når han ser frost, is og kuldegrader på oss no. Men lat oss likevel ta nokre minutt til å nyta hans strålande vårlåt => Kommer Nå.

Denne veka hadde gledeleg mange lag følgt godt med i nyhendebiletet. Eit snitt på over 15 av 21 poeng på førstearket er veldig bra. Spørsmåla flest lag sleit med var det asiatiske landet som har blitt råka av jordskjelv og namnet på Stordalen sitt nye forlag. Best av alle var Quiztorn som kun hadde ein liten feil. Også Stord BTK gode med sine 19. Elles var 18 av 19 lag på 13 poeng eller bedre. Meget! Elles verdt å merka seg at dei fleste lag var sylskarpe på spørsmåla om Spellemannsprisen. Dette var tydlegvis forventa. Og mange har nok også gjort sin research mtp kva kvinne som sist vann prisen som Årets Spellemann (Nergaard i 2003). Enslaved hadde også alle lag utanom eitt. QF var nemleg blanke her. Metalmusikk og stordabu Arve Isdal er tydlegvis totalt ukjend for dei. Utruleg.

Over på musikken, og dette er og forblir eit mysterium. Som vanleg enorm variasjon i kunnskapsnivået til laga her. Kva musikk kjenner de eigentleg til? Denne gong trudde underteikna at fem velkjente låtar var godt snekra saman, men fleire lag sleit skikkeleg. Best av alle på andrearket var HBO med sine 17 av 18 poeng. Veldig bra. Også godkjent av Furuly 4 Ever med sine 14. Elles låg dei fleste andre lag på rundt 11-12 poeng. FIA HOFA fortvilar stadig vekk over musikkdelen, og fekk også i kveld problem her. Har de ingen rocka legar de kan lura med på laget? Hehe. Mest oppsiktsvekkande var likevel scoren til superlaget QF. 5 poeng. Og de som hadde fått med dykk orakelet Gudmund for anledningen. Kva skjedde? Mitt tips er at Line skjedde. Utan MVP'en var det sørgelig, og takk og farvel til pallplass allereie på andrearket. Varierande innsats også på film/TV. Mykje fine svar på Askepott-spørsmålet, men overraskande mange lag var gode her. Dei litt eldre hadde sjølvsagt kontroll på legendariske Harald Mæle.

Rop Ut Quizen vart i kveld ein kamp mellom halvt-Geordie Thomas som sjølvsagt nagla spørsmålet om Eldon Square i Newcastle, og hans lagkamerat Solveig på Dei Hjelpelause. Ho hugsa dei rette detaljane frå Fredrikssons Fabrikk. I finalen var det spørsmål om oppfinninga til Thor Bjørklund, og Thomas prøvde seg først med bindersen, noko som antagelig fekk Solveig til å foreslå ostehøvelen. Noko som var rett. Grattis med nye kinobillettar, Solveig!

Halvvegs var det dei fine folka på Quiztorn som hade tatt kommandoen med sine 33 poeng. Sterkt! Like bak med 31 poeng følgte HBO og Stord BTK, men me veit jo alle at sistnemte alltid går hardt ut for så å stivna når det drar seg til.

I løpet av pausen halvvegs skjedde også det som må ha vert kveldens høgdepunkt for underteikna. I ein diskusjon i baren angåande raudvin kom nemleg kveldens kommentar. Alex påstod nemleg at ho ikkje lika raudvin. Det er då det kjem ein kommentar frå ein ikkje namngitt sjef på huset: "Du må jo smaka det før du kan sei du ikkje likar det, Alexandra. Og så er det viktig med settinga. Det er ingenting som er som eit godt glas raudvin inne i varmen ein kald vinterdag, med levande lys og i armkroken på ein mann(!)". Ein kommentar som underteikna sjølvsagt fanga opp og satte spørsmålsteikn med siste del av raudvinshistoria. Hehe. Alle bortforklaringar vart sjølvsagt feid og ledd vekk. Hahaha.

Ark 3 dreia seg i kveld om 80-talet og ballsport. Litt skuffande innsats av fleire av laga her, så snittet enda på litt lave 9 poeng pluss. Beste lag var Har Det På Tunga, QF og Hakke Peiling som alle henta 12 av 16 poeng. Mest vrient var rangeringa av teknologiske lanseringar på 80-talet, samt byen kor Ryder Cup skal gå seinare i år. Elles jamt gode svar frå mange av laga, sjølv om altså dei fleste også må ha hatt noko stong ut sidan dei ikkje oppnådde dei beste scorane.

Sistearket gav oss i kveld eit snitt på 10 av 15 poeng, og beste lag var Bjelland Juletre og Pyntegrønt med sine 14 fine poeng. Også bra av Anyohaseyo med sine 13. 11 av 19 lag henta meir enn 10 poeng, noko som må vere godkjent. Arkets nøtt var sistespørsmålet om hovudstadane i Afrika. Stort sett null eller berre éitt av tre oppnåelege poeng på laga her. Men ringrevane på BJoP tok sjølvsagt alle tre. Bra!

På biletearket var det også over 10 poeng i snitt. 18 av 19 lag hadde 8 poeng eller betre. Best av alle var HBO med sine 14, medan Quiztorn hadde 13. Mange på 10-12 poeng. Vanskelegaste bilete var dei av den utdøydde alkefugle Geirfugl og bilete av Fartein Valen.

Oppsummert var det 15 av 19 lag som kom seg over 50-poeng-grensa, og dermed slepp ei helg i skammekroken. Frå 4.plassen til 16.plassen skilde 11 poeng. Det skulle stå mellom tre lag i kveld, som endte på ei lita luke ned til resten av laga. Quiztorn opna bra og leia halvvegs. Dei fekk seg ein knekk på 80-talet og ballsport, og rota nok vekk sigeren her. Likevel holdt det til ein fin andreplass. BJoP gjorde ein jamnt bra quiz og enda på 3.plass, á poeng med Quiztorn, men med eit mindre rett på biletearket. Kveldens vinnarlag vart i kveld Heise Bra Opplegg, som endeleg fekk seg ein etterlengta siger. Per Jarle, Oddmund og co har vert kvasse i det siste, men har mangla den siste finishen på å henta heim gullet. Det satt i kveld. Med sine 68 poeng var dei to poeng føre dei andre laga på pallen. Gratulera med triumfen, kjekke folk!

Det var dei sprudlande jentene på laget Sviskene som denne gong vart trekt ut som glade vinnarar av to gratisbillettar til konsert med Myhres PPT på Den Blå Time 6.april. God konsertfornøyelse fine folk!

Quizvert var Jon, med barske Geir og flotte Alex i baren.

Takk for ein utsøkt kveld og vel møtt igjen torsdag 08.mars til ny quiz!
Då er det sjølvaste kvinnedagen, så det er ikkje umuleg at det kan bli mykje damete stoff på neste quiz.

Resultat quiz 9 av 15 våren 2018 - 01.mars:
(Trykk på bileta for større visning)













Samanlagtstilling etter 09 av 15 rundar:
















Alle spørsmål med fasit: