Torsdagsquiz 12 - 23.november 2017

Under følgjer resultat, spørsmål og svar.

22 lag deltok og snittscoren var på dryge 61 poeng (av totalt 85 moglege).

Det drar seg verkeleg mot vinter med kaldt og surt vêr. Då er det godt å varma seg inne på Arena i trivielt lag. Godt oppmøte også denne gong, og Geir var tilbake i baren frå Europaturnéen. Spør om han lika å bytta fly? Frå kjøkkenet kunne me kjenne den nydelege eima av lutafisk. Alt var duka for ein god quizkveld.

Dei aktuelle spørsmåla gjekk unna og dei fleste gjorde det skarpt. Ingen med full pott denne gong, men tre lag kom frå det med 20 av 21 poeng: Tors Utvalgte, Lex Lodney og Blanda Drops som verka vera på hugget i kveld. Også seks lag med 19 poeng. Dei to vanskelegaste spørsmåla på førstearket var tittelen på boka til Kari Hilde French og kven som vann 15km for menn på Beitostølen (Krüger). Berre fem lag prikka inn ein av disse. Utanom var det kanskje for enkelt? Eller vil de ha ros for at de har stålkontroll på nyhende? Kanskje har de gjennomskua tankesettet til quizverten? Kven kveit, sa mannen, han skar opp hellefisk.

På musikkdelen var det god utteljing på både Sex Pistols, Michael Jackson, Fools Garden og Meat Loaf. Verre var det med den nye hiten til Taylor Swift. Kun Fonna i Krise ser ut til å fylgja med på hitlistene. Bra levert! Film -og TV-delen var også bra for dei fleste. Sjølvsagt utilgiveleg å ha feil i spørsmåla (sjølvkritikk tas), så spørsmålet om filmen Hook måtte diverre utgå (dvs alle fekk poeng uansett kva dei hadde svart). Rett år er 1991 og ikkje 1997, så klart. West Wing hadde dei fleste, så også med Todd og Copper. Mange hadde rett på spørsmålet fra TV-serien Venner og Fiender, med Triana Iglesias. Men her var det også fleire interessante tips både både Dorte Skappel, Vendela Kirsebom og Charlotte Thorstvedt. Forøvrig ein suveren serie de kan låna av Geir (han har alle episodane i opptak på VHS). Brødrene Dal spørsmålet prikka halvparten av laga inn. Men Bedre Seint Enn Sist, de må høyra etter på spørsmåla! Svaret Gaus, Roms og Brumund gir ikkje mykje poeng når de skal setta rett bror saman med rett skodespelar. Hehe.

På Rop-Ut-Quizen halvvegs var det Asmund frå BJoP (som har kontroll på geografien på Tysnes) og Kari frå HBO (som kan sin botanikk) som skulle gjer opp seg i mellom i finalen. Her var spørsmålet om kva land Shakespeare sin Hamlet kom frå. Og etter ein kunstpause frå Kari kom det rette svaret: Danmark. Til Jakob (lagkamerat av Asmund) sin store frustrasjon verka Asmund å vera heilt blank her. Black Friday betyr 3 for 2 også på Frugård, så Kari kan ta med seg to vener på kino. Grattis!

Halvvegs var det Heise Bra Opplegg som hadde komt best i gong. Med 35 poeng hadde dei skaffa seg ei luke på 2 poeng ned til neste lag. Uansett veldig jamnt nedover, så dette kom til å bli spanande.

Tredjearket i kveld skulle handla om Australia og Europeiske Kongehus. Siste tema vart valgt etter eit ønske frå Dei Sporadiske. Kanskje ikkje alle sitt favorittema?! Alle lag såg likevel ut til å kunne mykje om både landet down under og kongefamiliane. Med score fra 9p til 15p kom dei fleste greit i frå det. Tors Utvalgte best av alle med berre éin feil. Verste spørsmål var om etternamnet til Prins Philip (Mountbatten). Ellers var det mange som svara at bandet Crowded House var frå Australia. Nærme, men ikkje heilt rett. Dei kjem frå New Zealand. Forresten, Sverre: Kong Kurt av Nederland? Kven er det? Og QF: Vart operahuset i Sydney opna på 90-talet? Skivebom, ass.

Lett Blanding avsluttar som vanleg spørsmålsseansen. Som så ofte før skulle det vere ein smule vanskeleg. Til dømes så skuffa Bord 22 nok ein gong med berre 6 poeng. Det er 7 poeng tapt til HBO og QF som klarte 13, og var best av laga på blandingsen. Berre fire lag visste at eit fat med olje rommar 159 liter. Men visste tidlegare Olje -og Energiminister Olav det? I fylgje Sverre så hadde han ikkje snøring! Hehe. Spørsmålet om ~ teiknet over n'en i spansk (ñ) var også ei nøtt. Mon tru om de for evig og alltid vil hugsa at de kallast tilde? Eller går de for tussaladd igjen, dersom spørsmålet dukkar opp på ny til neste år, Stord Bordtennisklubb? Siste spørsmål som stakk størst kjeppar i hjula på laga var dødsåra til Saddam og bin Laden. Fire lag av 22 greide begge.

Biletearket hadde som vanleg store sprik i poengsum. Alt frå 7 poeng til 14, av 15 oppnåelege. Best i kveld var BJoP og QF som hadde 14. Dei Sporadiske som vanlegvis er rå på biletearket skuffa med berre 7 poeng. Eg anar at de ynskjer seg fleire kjendisfjes neste veke. Dei bileta laga sleit mest med var Iron Maiden (8 rette) og Hilarie Burton frå One Tree Hill (6 rette). 12 lag imponerte med god kartkunnskap og prikka inn Fuerteventura. Også 12 lag hadde rett på Angkor Wat. Stord Bordtennisklubb bes ta seg ein tur til Paris. Kanskje sjå litt på omgjevnadane og ikkje berre gå på pub? Versailles? Herleg tippa. Hehe. På bilete av nyleg avdøde AC/DC gitarist Malcolm Young var det mykje alternative tips: Mick Jagger? David Cassidy? Kim Larsen?

Til slutt var det klar for Jackpotquiz. Konstanse var flink å selja lodd i kveld og potten enda på 970kr. Først ut var Nils (LL) mot Atle (TU). Og dette kan Nils. Kva forfattar skreiv boka Naiv.super? Yes, Erlend Loe. I neste semifinale var Nils på plass igjen. Denne mannen likar å kjøpa lodd! Motstandar var Frode. Og på spørsmålet om Challenger-ulukka frå 1986, var det Frode som var raskast. Bra! Samme to duellantar skulle så møtast i finalen. Nils vs Frode. Spørsmål:

I kva land har luksusklokkemerket Rolex sitt hovudkvarter?

Og her skjer det noko merkeleg. Nils er først ut med å sei namnet sitt. Men Frode er hakk i hæl, men tråkkar litt i postkassen (eller var det salaten?) med å sei både namnet sitt og avgi svar på spørsmålet: Sveits! Nils held roen og får, som han har rett på sidan han var først, svara på spørsmålet. Når han svarar Sveits, han òg, vert han 970kr rikare. Fin pott! Gratulerar!

Så var me framme med oppsummering og sluttstilling. Friskt Mot er eit lag ein plar rekna med i Topp 10, men i kveld skuffa de med ein 21. plass. Også Bord 22 skuffa med stusselege 55 poeng og 18.plass. Mange lag plasserte seg på "60-talet", og berre 7 poeng skilde 15.plassen frå 5.plassen. Beste lag her var Blanda Drops, som gjorde ein meget sterk quiz i kveld. Strålande! I toppen var det fire lag som skulle gjer opp om sigeren. Tre av dei enda på lik score (71p): TU, QF og BJoP. Med 12 rette på biletearket måtte TU ta til takke med 4.plassen. Surt! QF og BJoP var like på bileta med 14/15, så her måtte beste enkeltark avgjer. Og med 19p vs 16p på førstearket kapra BJoP sølvet. Kva så med vinnarlaget? Jo, etter fleire gode veker og pallplasseringar var det endeleg HBO sin tur til å gå heilt til topps. Med fine 73 poeng heldt dei unna til siste slutt i kveld. Imponerande! Til lukka med sigeren!

Med tre quizar att for året skiljer det 19 poeng i favør QF ned til BJoP i kampen om samanlagtsigeren. Tredjeplassen er opnare. Bedre Seint Enn Sist er framleis dei som ligg best an, men har heile 5 lag innanfor 22 poeng halsande bak seg. Så her kan endo mykje skje.

Dei Hjelpelause vart denne gong trekt ut som heldige vinnarar av éin gratisbillett til konsert med Stord Weather Shanty Choir på Arena 16.desember. God konsertfornøyelse!

Quizvert var Jon, med Geir og Konstanse i baren.

Til slutt ei lita melding til moteinteresserte Oddmund på HBO, som i kveld lurte på om quizverten nytta rosa skjorte fast kvar quiz: No har han handla skjorter på Black Friday sal! Så neste veka lovar han ein anna farge enn rosa. Hehe.

Takk for ein topp kveld og vel møtt igjen neste torsdag!

Resultat quiz 12 av 15 hausten 2017 - 23.november:
(Trykk på bileta for større visning)

Samanlagtstilling etter 12 av 15 rundar:

Alle spørsmål med fasit:

Torsdagsquiz 11 - 16.november 2017

Under følgjer resultat, spørsmål og svar.

24 lag deltok og snittscoren var på fine 66 poeng (av totalt 85 moglege).

Etter ein liten dipp i antal lag førre veke var me i kveld tilbake til der me ynskjer å vere med 24 lag på startstreken. Fleire av dei faste laga som har vert sakna var tilbake: Bedre Seint Enn Sist, Tors Utvalgte og Dvergkastarane. Nydelig! At me då mangla Geir i baren i kveld var det ingen som reagerte på. I følgje ryktene har han lagt ut på ei rundreise i Europa for å promotere den nye vinterkolleksjonen til Sparkjøp. Uansett var både Marita og Oda på plass, så dette måtte bli ein god kveld.

Det er fleire faste lag som har gått på quiz ei årrekkje. Og med faste lag blir det ofte faste bord. Dette er artig å følgje med på. For kva skjer då når dei faste borda vert okkupert av nye og uvitande lag? Jo, då blir det ramaskrik og vonbrot. Så også i kveld. Sjølv om dørane til Arena "opnar" klokka 19.00 på quizkveldar, er det ofte lag som snik seg inn på førehand. QF har faktisk eit eige lagmedlem som kun er med for å sikre det faste bordet, nemleg Arve. I kveld hadde han fått med seg Tommy, og stilte ti på sju. Og det var store auger å spora når dei oppdaga at bordet "deira" allereie var tatt. Hysterisk! Så kva var då meir naturleg enn å ta "bordet til" Hakke Peiling? Store ringverknader. Men slapp av folkens, ikkje ver redde for å setje dykk nett der de vil. Første mann til mølla gjeld.

Etter twisten med ny type bileteark førre veke var det kanskje knytt spaning til kva som kom til å skje på den fronten denne veka. Etter ei avstemming i sosiale media var det klart at den nye vrien med bilete av ting og tang var vel tatt i mot: 55% ynskja dette, mot 45% som ynskja den gamle varianten med bilete av kjendisfjes. Sidan det var såpass likt delt, vart det ein mix denne gong. Inntrykket er at dette vert godt mottatt, så me held fram med dette.

God trafikk i baren før oppstart i kveld, og akkopagnert av eminent musikk frå baren fekk quizarane i seg fine dråpar og torsdagsmiddag før oppstart.

Fyrstearket skulle verte ein god start for fleire i kveld. De følgjer framleis veldig bra med på kva som skjer rundt omkring både lokalt, nasjonalt og internasjonalt. Best av alle var Lex Lodney med Nils i spissen. Dei prikka like godt inn samtlege svar og 21 poeng. Fenomenalt! Også bra av BJoP som hadde 20p og QF, Dei Hjelpelause og Har Det På Tunga som noterte seg for 19p. Ei utfordring skulle vise seg å vere kva fylke vogntoget bråstoppa i, og kva streamingteneste som har sikra seg rettigheitane til serien om Ringenes Herre. Likevel var det mest feil på spørsmålet om sjakk og kva by Magnus spelte i. Berre tre lag visste at det var St. Louis. Laget Heise Bra Opplegg (HBO) har vert i støtet i det siste. Anført av ein opplagt Oddmund melder dei seg på i samandraget. Men folkens, kva med å følgja litt meir med på TV? Med kun 1 poeng av 6 moglege på spørsmåla om Skal Vi Danse og Farmen, spørsmål dei andre laga tek på strak arm, hamnar de på etterskot tidleg! Men dette vissvasset er kanskje under dykkar verdighet? Hehe.

Andrearket med musikk, film og TV plar gi litt sprik. Alt frå full pott til halvparten feil har blitt ein gjengongar. Musikken skulle vere overkommeleg i kveld, så også spørsmåla om film og TV. Eller? Bjelland Juletre og Pyntegrønt var i alle høve på hugget her. Full pott! Dei Hjelpelause følgte også opp den gode starten med berre éin feil. Same score på HBO (som no var i gong) og Bedre Seint Enn Sist. Sistnemnte med 10 deltakerar og 4 minuspoeng på førstearket. Kunne dei likevel melde seg på i toppkampen? På musikken hadde dei fleste kontroll på Stones og Tina Turner. Nokre lag gjekk i fella på hiten til 4 Non Blones og svara "What's Going On?" på låta "What's Up?". Vanskelegast i kveld var nye låten til Tone Damli, Strangers, og The Dandy Warhols til hit Bohemian Like You frå 2000. På film -og TV-delen var det Bergerac som var mest vrien. Berre 11 av 24 lag visste at Bergerac var spela av John Nettles. Ellers veldig god kunnskap på denne delen av dei fleste.

Halvvegs var det BJoP som hadde kommandoen. Med kun éin feil hadde dei sikra seg ei luke på to poeng ned til Dei Hjelpelause.

Halvvegs i quizen betyr også Rop-Ut-Quiz. Første spørsmål handla om gamle Sovjetleiarar, og det var Oddmund frå HBO som var først ute med rett svar (Khrutsjov) på kven som regjerte frå '53 til '64. I finalen skulle han møta Hege frå Quizzvazz. Det er lenge sidan det myteoppspunne legendelaget Romlingane har gått på quiz, men tidlegare Romlingkaptein Hege gjer no kanskje comeback på nytt lag? Peiling på papegøyar har ho i alle fall. Kva dyr er ein blå-ansikta papegøye? Godt Hege tok ansvar etter forslag om både fisk og diverse andre dyr. Hehe. I finalen var det kunst på menyen. Kven står bak kunstverket "Guernica"? Dette visste Oddmund og var kjapt på pletten: Pablo Picasso. God tur på kino gode quizar!

Tredjearket i kveld skulle dreia seg om leiketøy og krig. Utan samanheng, vel og merka. Veldig mykje bra svar over heile linja. Verst var spørsmålet om militærgraden i Hæren som tilsvarar Marinens orlogskaptein. Kun 8 lag visste at det var Major. Ellers imponerande med 16 rette svar på spørsmålet om modeljernbanar og Märklin. Litt grums på rangering av leiketøysprodusentar. Også på årstala frå andre verdskrig. Éitt lag med full pott: HBO. Knall!

Lett blanding avsluttar som vanleg spørsmålsseansen. Også her var det mykje gode scorar. Geonøtta med hovudstadar som startar på vokalar var verste spørsmål. Kun 7 lag visste at ingen hovudstadar startar på bokstaven E. Også delstathovudstadar kalla opp etter presidentar skulle verta ei utfordring. Fleire prøvde seg på både Washington og Jacksonville. Men er dei delstatshovudstadar? Det fonetiske alfabet var også vrient for fleire. Spesielt U'en som representerar Uniform. Best på fjerdearket var HBO som nok ein gong noterte seg for full pott! QF nest best med éin feil.

Så tilbake til biletearket. Både hund, logo, flagg og album med strålande score. Frø og kart ikkje like bra. 16 lag prikka inn rett messingblåseinstrument = imponerande! Ellers litt rusk på kjendisfjesa. Kun éitt lag med full pott: BJoP. De er gode!

Jackpotquizen skulle verta ei spesiell oppleving i kveld. For det første mangla me lodd. Dei hadde Geir tatt med seg i Hello Kitty kofferten sin til Spania. Ei einsleg loddbok vart likevel funne, og med 10kr loddet gjekk det seg til. 800kr i potten. Første semifinale skulle stå mellom to gjengangerar: Nils og Oddmund. Kva sport dreiv legenda Babe Ruth med? "Nils! Oddmund!" Nesten på likt, men med Nils eit lite hestehovud føre: "Baseball!". Eit svar som sjølvsagt var rett. Sterkt av Nils som nok ein gong var klar for finalen. I neste semifinale var Sverre førstemann til å bli trekt ut. Når han så trekk Nils (igjen!) som motstandar kjem fortvilinga. Ville han gi opp allereie før spørsmålet var stilt? Det kunne nesten virka sånn. Og når ein gir opp før det brakar laus, så fortenar ein vel ikkje betre? Kva er høgast sum oppnåeleg for eit hus i vanleg Yatzy? "Sverre!" Sjå her du. Kunne han likevel slå overmakta? Nei, langt der i frå. Med svaret "30!" var dei fleste i salen lamslåtte. Really?! Nei, Sverre. Ta deg ein tur på hytta i helgo, finn fram ei pæra, terningar (og kanskje kuleramma?) og lær deg dette ein gong for alle. Jaja, når salens gisp og totale sjokk hadde roa seg var Nils frampå med rett svar "28". Sjølvsagt. Dette veit vel alle?! Dermed var det klart for finale mellom Nils og... Nils?! Makan. Dette var eit scenario som quizverten overhovudet ikkje hadde sett for seg kunne skje. Snakka om å bli tatt med buksa nede. Kva seier reglementet om dette? Ikkje mykje. Men finale vart det mellom Nils 1 og Nils 2. Spørsmål: Kva organisasjon vart grunnlagt av Catherine og William Booth i London i 1895? Og Nils lot seg sjølvsagt ikkje lura og hugsa å sei namnet sitt til og med, sjølv utan konkurranse. "Nils!" Hmm, var det Nils 1 eller Nils 2? Spelar ingen rolle. "Frelsesarméen!". Riktig! Grattis med 800 fortente kroner!

Samanlagt var det veldig mykje gode scorar i kveld. Heile sju lag enda på over 70 poeng. Nykommar Anyohaseyo debuterte med 71 poeng. Sterkt! Dette gav dei likevel berre ein 7.plass. Like bak pallen med 73 poeng enda det tre lag på delt 4.plass: Tors Utvalgte, Dei Hjelpelause og Dei Sporadiske. Pallen i kveld skulle faktisk bli identisk med førre veke. HBO, som hadde ein treig start med Skal Vi Danse og Farmen, var strålande heile vegen inn. Dei enda à poeng med QF, men måtte sjå seg slått på beste score på eit enkeltark etter at dei hadde like mange bilete. Ergo tredjeplass på HBO og andreplass på QF. Begge lag med sterke 75 poeng av 85 moglege. Kveldens suverene vinnarar var Bjelland Juletre og Pyntegrønt. Med heile 80 poeng satt dei rekord for hausten. Kun 5 feil er kanon! Dermed kunne Jakob fornøgd ta i mot gåvekort på 500kr. Nei, vent litt? Jakob? Nei, varaordføraren var slettes ikkje tilstade i kveld! Vidar, Jarle, Asmund og co, derimot, kunne ta i mot premien! Det var kanskje det som var grunnen til rekordscoren? At Jakob mangla? Vidar: "Du må hugsa å få med at Jakob mangla i kveld! Då slapp me at han kverulerte oss vekk frå rette svar!" Hehe. Eg mistenkjer det vil vere ein med markeringsbehov som stiller på quiz neste torsdag. Jackpoten lever nok farleg!

Sviskene vart denne gong trekt ut som heldige vinnarar av to gratisbillettar til Soulkveld på Arena denne laurdagen. God konsertfornøyelse!

Quizvert var Jon, med Marita og Oda i baren.

Takk for ein strøken kveld og vel møtt igjen neste torsdag!

Resultat quiz 11 av 15 hausten 2017 - 16.november:
(Trykk på bileta for større visning)

Samanlagtstilling etter 11 av 15 rundar:

Alle spørsmål med fasit:

Torsdagsquiz 10 - 09.november 2017

Under følgjer resultat, spørsmål og svar.

19 lag deltok og snittscoren var på snaue 64 poeng (av totalt 85 moglege).

Eit aldri så lite mannefall i kveld altså. 19 lag hadde om mogleg vert rekord i Sverre sine glansdagar, men i haust har me blitt så bortskjemte at det føltes litt glissent i salen med "berre" 19 lag. Fleire av dei "faste" laga mangla. Både Tors Utvalgte og Dvergkastarane mangla for andre gong på rad (går det bra med dåke?). I tillegg glimra både Bedre Seint Enn Sist, Stord BTK, Blanke Ark og Kjeipasjeto med sitt fråver. Vonast alle kjem sterkare tilbake neste gong!

Ekstra gledeleg då at det ser ut som fleire nye lag har satt seg føre å stilla fast på quiz. Både nykommerane representert av Statoillaget Kasamida og Sviskene stilte for andre gong på rad. Bra! Ellers var Quiztornbyen heilt nye for kvelden.

Allereie klokka 18.30, ein halv time før dørane opna, var dei sjarmerande og quiz-ivrige jentene frå Furuly 4 Ever på plass. Kjekt med selskap når me gjer lokalet klart. Når dei andre laga byrja dukka opp etterkvart var det fleire som fekk seg ei overrasking med tanke på kva som låg på bordet. Kor var det vanlege biletearket med kjente fjes? Anders frå Har Det På Tunga hadde sjølvsagt pugga kjendisar ei heil veka, så då passa det bra å køyra ein ny vri. For underteikna kan ikkje håtta at biletearket har vert bytta ut i quizens 18-19 år gamle historie. På tide? Kanskje ikkje? Meir om den nye vrien litt seinare.

Når quizdeltakerane hadde fått i seg litt mat og drikka var det klart for første runde med spørsmål om ting som har skjedd siste veka. Og her var innsatsen bra. Med eit snitt på dryge 16 poeng av 21 moglege, fekk dei fleste laga ein god start. Best av alle var Har Det På Tunga og Bjelland Juletre og Pyntegrønt. Begge lag noterte seg berre for éin feil. Og feilen var på spørsmålet om den nye quiz-appen HQ. Eit spørsmål som faktisk INGEN av laga klarte. Mon tru om nokon har lasta den ned no? Nest best på førstearket var Lex Lodney og Sviskene (og puddingen) som hadde to små feil.

På ark 2 var det i kveld heilnorsk. All musikk var norsk på norsk, og Film -og TV-spørsmåla handla alle om norske filmar og TV-program. Også her var innsatsen meget bra. På musikken hadde dei fleste kontroll på Lillebjørn Nilsen. Litt verre med tittel på låtane til både Bjøro Håland, Dum Dum Boys og Odd Nordstoga. Mest løye var det når Nordstoga sin hit Kveldssong for deg og meg vart spela. Barsjef Geir kjem då til quizverten og utbryt: "Er du heilt idiot? Du kan jo ikkje spela ein song der dei synge tittelen på songen i første strofe?!" Haha. Det er kanskje ein grunn til at han jobbar i baren og ikkje deltek på quiz. Forøvrig må det seiast at fleire lag gjekk i same fella og svara nettopp at songen heiter "Grisen står og hyler", noko den altså ikkje gjer. På siste låt var det høve til to gratispoeng for dei som hadde fylgt godt med på første ark. Då fekk me nemleg høyra MGP jr. vinnar Oselie synga sin låt "Verda Vår". Kun 12 av 19 lag tok denne koblinga. Tåhev, folkens! På film -og TV delen var det stort sett plankekøyring, minus spørsmålet om Liv Ullmann. Berre éitt lag visste at det var Ung Flukt som var gjennombrotsfilmen hennas. Kudos til Heise Bra Opplegg! Bjelland Juletre og Pyntegrønt slo nok ein gong til med best ark, og berre feil på Ullmann-spørsmålet. Også god innsats av F4E, Dei Sporadiske og nykommar Quiztornbyen som alle hadde 16 av 18 poeng.

Halvvegs leia BJoP med tre poeng ned til Har Det På Tunga, med eit kobbel like bak der igjen. Heile 13 av 19 lag med 30 poeng eller meir.

Rop-Ut-Quizen skulle i kveld handla om éitt spesifikt tema, nemleg fjell. Første ut med rett svar var Stein Arve frå Friskt Mot som visste at Teide er Spanias høgste fjell. I finalen skulle han møta Jakob frå BJoP som nagla Siggjo på spørsmålet om kva nabokommunes fjell som er 474moh. Spørsmålet i finalen skulle handla om noko langt høgare, nemleg Mt. Everest. Kven var den første til å bestiga det? Det visste Stein Arve. Sir Edmund Hillary (i 1953 saman med sherpaen Tenzing Norgay). Bra jobba og grattis med kinobillettar!

Tredjearket skulle dreia seg om Sjokolade delt på USA i kveld. Og sjokolade kan de! Lite feil og mange lag med full pott her. Bra! Men fins det ein sjokolade som heiter Othello?! Litt verre med spørsmåla om USA. To Kill A Mockingbird frå 1960 burde vera både ei kjent bok og film, men om ein kunne tyda Sverre rett, som lo høgt og hånleg av både spørsmål og svar, var dette for snevert. Vel, Sverre, sju av laga hadde full pott her, så det er kanskje du som må lesa deg opp? Ellers var det urovekkande hol i kunnskapen om både land som grensar til Stillehavet og visepresidentar. Reknar med alle hugsar Alaska og Hawaii for evig og alltid. Totalt sett på tredjearket var det fem lag som kom frå det med berre to feil: HBO, HDPT, Sviskene, F4E og Bord XX. Ergo, hadde du visst om Harper Lee og Gregory Peck, Sverre, hadde dåke tatt full pott!

Arket med Lett Blanding skulle visa seg å vere litt enklare enn det plar vera denne gong. Med eit snitt på dryge 11 poeng hadde folk flest god peiling på det meste her. Verst var spørsmåla om kva C/O tyder og dei 5 kommunane på bokstaven U. Kun tre lag nagla C/O (Care Of): F4E, HBO og Quizzvazz. På kommunane var det Ulstein som skapte mest problem. Her svara dei fleste Ulsteinvik, noko det ikkje kunne gis poeng for. LL, HBO og Dei Hjelpelause einaste lag med alle fem rett. Well played, guys! Lex Lodney var beste lag med 14 av 15 poeng.

Så tilbake til kveldens bileteark. I kveld skulle det handla om alt mogleg UTANOM kjente fjes. Historiske hendingar, dyr, planter, film, musikk, kunst og diverse anna knask. Berre 5 av 19 lag kjente til dyret Okapi, medan det berre var 6 lag som hadde rett på datoen JFK vart myrda og Rolling Stones albumet Goats Head Soup. Som vanleg sleit Bord XX med biletearket. Her må dåke ta tak i noko? Ellers skuffande innsats av både A Walk in the Park, Dei Sporadiske og Friskt Mot som alle plar vera stødige på dei vanlege biletearka. Den nye vrien var nok ikkje noko for dåke. Sorry! Best av alle var QF, som tok samtlege bilete. Imponerande! Også bra av LL som berre hadde éin feil.

Jackpotquiz next up. Og det vart eit forhaldsvis bra sal denne kvelden. 850 kroner. Dei to første heldige som skulle tevla var Nils frå LL og Sverre frå Bord XX. Rått parti tenkjer du kanskje? Då har du rett. Nils var som forventa heilt suveren. På spørsmål om kva legeringa Bronse består av, svara han heilt korrekt kobber og tinn før Sverre kunne koma på kva han åt til middag tidlegare same dag. I neste duell var det Stian frå LL mot Jakob frå BJoP. Her var spørsmålet om kven som er gift med Ingrid Schulerud. Og politikaren viste han har greie på også andre parti enn sitt eige. Rett svar er sjølvsagt tidlegare statsminister Jens. Dermed var det duka for ein tungvektskamp i finalen. To av Sumarøyas beste quizhovud manno y manno. Spørsmålet var følgande:

I kva land var Haji Mohamed Suharto president i over 30 år frå 1967 yil 1998?

Og før talet 30 hadde blitt lest opp var ein av kandidatane på pletten: "Jakob! Indonesia!" Noko som var rett svar. God revansj for finaletapet på Rop-Ut-Quizen! Grattis med 850 skattefrie kroner!

Så var det store spørsmålet om Jakob kunne feira quizsiger òg? Laget hans hadde som kjent 3 poeng å gå på halvvegs. Det skulle bli jamnt i toppen. Furuly 4 Ever gjorde ein gledeleg god innsats og noterte seg for 67 sterke poeng i kveld. Men dette skulle diverre berre helde til ein 9.plass. Tett som hagl oppover: Delt 7.plass med 68 poeng til Quizzvazz og Dei Hjelpelause. Delt 5.plass til Sviskene og Lex Lodney med 69 poeng. På bronseplass denne gong havna Heise Bra Opplegg som hadde kvessa topplokket bra denne kvelden. Med 70 poeng var dei like som HDPT, men tok dei på fleire rette bilete. Grattis med gåvekort på pizza! Nærast som vanleg skulle sigeren stå mellom BJoP og QF. Halvvegs hadde QF 4 poeng å ta att. Med lik score på både 3. og 4. arket var det biletearket som ville avgjer. Full pott på QF heldt likevel ikkje, for BJoP scora 13 av 15. Dermed kunne dei jubla for andre siger på rad og gåvekort på 500kr. Hipp Hipp!

Samanlagt ligg det an til ein spanande kamp både om 1. og 3. plassen. BJoP og QF kjempar om sesongsiger, og det er QF som er i førarsetet med 24 poengs forsprang. (260 vs 236). Fleire lag kjempar om siste pallplass. 41 poeng skiljer 8 lag. Dei som ligg best an er Bedre Seint Enn Sist (165p), Har Det På Tunga (156p) og Lex Lodney (154p). Her blir det spaning heilt inn!

Så ei trist melding til slutt: Det som skulle vere ein quizsesong med 16 quizar fram mot jul, blir diverre amputert. Quizen 21.desember går ut pga eit anna arrangement på Arena. Pass på å gi Geir kjeft ved neste høve! Hehe. Ergo: 15 quizar utgjer haustsesongen.

Dei Sporadiske vart denne gong trekt ut som heldige vinnarar av ein gratisbillett til konserten med William Hut på Arena 17.november. God konsertfornøyelse!

Quizvert var Jon, med Geir og Konstanse i baren.

Takk for ein sabla fin kveld og vel møtt igjen neste torsdag!

Resultat quiz 10 av 15 hausten 2017 - 09.november:
(Trykk på bileta for større visning)

Samanlagtstilling etter 10 av 15 rundar:

Alle spørsmål med fasit:

Torsdagsquiz 9 - 02.november 2017

Under følgjer resultat, spørsmål og svar.

23 lag deltok (21 lag fullførte) og snittscoren var på 59 poeng (av totalt 85 moglege).

No byrjar det å bli quizvêr ute, med mørke dagar, regn og kulde. Me er over halvvegs til jul og nok ein gong kunne me gleda oss over godt oppmøte. Folk har skjøna at det lønar seg å vere tidleg ute for å få dei beste borda, så i kveld vart det skjebnesvangert for fleire av veteranlaga å vera litt seine. Har Det På Tunga befant seg plutseleg på scenen og QF måtte slukøyra setja seg på eit småbord. Også kjekt at heile tre nye lag tok turen i kveld. Vonar de syns quiz på Arena var kjekt!

For fleire var ein delicious torsdagsmiddag frå Bakeriet Frugård sitt eminente kjøken inntatt og køen i baren roa seg innan oppstart kl 20.00, så då var me klare for å testa kor godt folk hadde følgt med siste veka. Bladet Sunnhordland les de tydlegvis nøye, for på dei lokale spørsmåla er de som regel veldig oppegåande. Vanskelegast spørsmål på fyrste arket må ha vert namnet på utstillinga som kronprinsessa var på; Dronningens Ja. Kun to lag visste dette. Ellers var det få lag som hadde rett på området i New York som vart råka av terror (TriBeCa) og kva Storbritannias forsvarsminister (Michael Fallon) som trekkjer seg heiter. Dei Hjelpelause og BJoP einaste to lag som nagla begge disse. Veldig bra! Utan å bagatellisera alt oppstyret om pågåande saker med kjendisar og skuldningar om trakassering, må det nemnast ei morsom betraktning frå barsjefen. For når ein framståande politikar trekkjer seg etter å ha tatt nokon på eit kne, måtte Geir vedgå at han måtte vurdera å levera oppsigelsen i morgon. Hehe. Best ut på fyrstearket var Lex Lodney og BJoP som begge kom frå det med berre éin feil. Veldig bra også av nykommarlaget Sviskene og Lubbesildo som noterte seg for 18 av 21 poeng.

Neste ark med musikk, film og TV skulle visa seg å vere både plankekøyring for nokon, men og fryktelig vanskeleg for andre. Eit sprik frå full pott på 18 poeng til skuffande 5 poeng tyder kanskje at nokon må vurdere å utvida den musikalske horisonten litt. Eventuelt så må quizverten vurdera enklare låtar og spørsmål? Neida. Fyrste låten frå 1977, Kansas med Dust in the Wind, viste seg å vera den laga sleit mest med. Nokon hadde tittelen rett, men berre tre lag hadde både tittel og band. Aaaaaltfor snevert meinte to deltakerar frå BJoP. Vel, uansett ei stor låt som HER vert framført med passion av komikaren Will Ferrell i filmen Old School frå 2003. På spørsmåla om film og TV var det Party of Five som skulle by på mest problem. Fleire lag med gode forslag på namn her. Likevel berre eit fåtal som kunne namngi tre av dei fem søskena.

Halvvegs var det dei to samanlagtkanonene BJoP og QF som hadde plassert seg i tet. QF med 2 poengs forsprang til BJoP etter at dei hadde prikka inn full pott på andrearket. Ellers jamnt bak dei beste, og mange lag in contention.

Det var tid for Rop-Ut-Quiz og på første spørsmål var Anne-Marie frå Quizzvazz i ein eigen klasse. Ikkje berre var ho først ute, men også både reiste ho seg opp og uttalte namnet på forfattaren Paolo Coelho (Spørsmål om boka Alkymisten) på ein klokkeklar og korrekt måte. Imponerande! Like suveren var også Nils frå Lex Lodney på neste spørsmål. Her var me ute etter kven som var utanriksminister i Noreg då andre verdskrig brøyt ut. Og slikt veit Nils: Halvdan Koht. Bra! Så i finalen, i kampen om kinobillettar, fekk kandidatane følgjande spørsmål:

Dra til Bloksberg er eit lite fint uttrykk. Men i kva land finn du fjellet Bloksberg?

Og dette visste begge to veldig godt! Lynraskt var dei frampå med svaret Tyskland. "Målfoto" måtte til, og det var Anne-Marie som gjekk sigrande ut av duellen. Gratulera!

Tredjearket skulle denne veka dreia seg om spørsmål frå dyras verd og kultur. God utteljing på mange lag her. Morosamt var det likevel å retta spørsmålet om kor mange bein mauren har. Samtlege lag utanom to hadde rett, nemleg seks bein. Det er tydlegvis ikkje mykje maur verken i kommunestyret eller på Stortinget, for laget til Tore og Olav freista lukka med åtte bein. Heller ikkje dei dyktige quizarane på QF hadde snøring her. Fire bein? Verkeleg? På kulturdelen sleit laga med dansk design, men også med latinodansane. Svært mange ville ha med tango her. Til info, les her. Tre av 21 lag klarte likevel å fleska til med alle rett: Dei Hjelpelause, BJoP og Blanda Drops. Flinke!

Nok ein gong vart sistearket det vanskelegaste dersom me ser på snittscoren. Stort sett bra på presidentar, Campari og Cosmopolitan. Men verre var det med resten. Klesmerket A&F var det få som hadde greia på. Heller ikkje kor mykje eit sekel er. At VHS står for Video Home System var det ok utteljing på. Likevel fleire alternative forslag her. Beste: Home Video System. Hahaha. På geografinøtta var det ingen lag som greide full pott denne gong. Fleire med 4 av 5. At ikkje Jakob Drillo Bjelland på BJoP klarte å dra San Salvador opp av hatten kan ikkje sjåast på som noko anna enn ein sensasjon. Kanskje laga fekk litt for knapp tid? Det vurderast å auka tenkjetida til 20 minutt på sistearket neste torsdag. Så går me heller frå 15 til 10 minutt på andrearket.

Varierande innsats på biletearket som vanleg. Alt frå 7 rette til full pott med alle 15 (Bedre Seint Enn Sist einaste lag med alle rett). Spesielt namnet til Mickan frå Solsidan og Elin R. Gjuvsland skulle verta største utfordringa. Ellers mange med feil på Winona Ryder. Ser dåke ikkje på Stranger Things på NetFlix? Anbefalast.

Det var knytta stor spaning til Jackpotquizen denne veka. Det var nemleg trippel jackpot med 1800kr i potten. Etter loddsalet enda det på heile 2955kr. Fyrste duell skulle stå mellom Nils frå Lex Lodney og Øystein Vegar frå QF. Suveren siger til Nils her. Carsten Smith var heilt korrekt Høgsterettsjustitiarius frå '91 til '02. Spørs om Øystein Vegar i det heile tatt klarar å uttala det? Hehe. I andre duell møttes Jakob frå BJoP og Øystein Vegar (ja, han har flaks) frå QF igjen. Spørsmålet dreia seg om forfattaren som står bak karakteren Ask Burlefot, og Jakob, nei, det er ikkje Bjørneboe. Når heller ikkje Øystein Vegar hadde peiling, måtte det nytt spørsmål til. Rett svar er forøvrig Agnar Mykle. Kor mange tyggis-bitar er det i ein Extra-pakke? "Øystein! 10!" kom det kjapt frå Øystein Vegar. Lenge før Jakob hadde fått høve til å tyggja på spørsmålet. Dermed var det duka for ny dyst mellom Nils og Fetter Anton. Finalespørsmålet verdt 2955kr handla om film. Og ein kunne sjå Nils riva seg i håret lenge før spørsmålet vart stilt. Kven spelar karakteren Jamie, ein forfattar som forelskar seg i den portugisiske hushjelpa si i filmen Love Actually frå 2003? Og dette visste ingen av dei. 10 sekund gjekk. 20 sekund. 25 sekund. Så, rett før klokka vert stoppa, går det eit lys opp for Øystein Vegar. "Øystein? Colin Firth?" Og jommen sa eg smør. Kor kom den fra?! Hadde han jukselapp på innsida av augnaloka? Svaret var heilt rett! Og snaue 3 laken rikare kunne han nøgd ta imot applaus. Grattis!

Korleis skulle det så gå med sluttstillinga, og kven kunne gå nøgde heim med gåvekort denne gong? Spesielt fire lag utmerka seg i kveld. Fire poeng før nummer fem, Stord BTK, måtte Lex Lodney ta til takke med den bitre fjerdeplassen i kveld. Kun éitt fattig poeng bak pallen. På tredjeplass, berre poeng bak sølvet, havna Bedre Seint Enn Sist denne gong. Som så ofte før skulle det stå mellom QF og BJoP. Og i kveld var det klasseskilnad på laga. Heile fem poeng skilde. Så hadde QF tatt vare på topoengsleiinga dei hadde halvvegs? Nei, langt i fra. Med kollaps på både på tredje -og fjerdearket gjorde dei det enkelt for Jarle og co. Med 15 av 16 på Dyr/Kultur, 13 av 15 på Lett Blanding og kun éitt bilete feil, var Bjellandsgjengen fortente vinnarar i kveld. Det smakte nok ekstra godt etter nokre veker med dårlige resultat. Gratulera med sigeren!

Laget FIA HOFA vart denne gong trekt ut som heldige vinnarar av ein gratisbillett til konserten med William Hut på Arena 17.november. God konsertfornøyelse!

Quizvert var Jon, med Geir og Konstanse i baren.

Takk for ein knæsj kveld og vel møtt igjen neste torsdag!

Resultat quiz 9 av 16 hausten 2017 - 02.november:
(Trykk på bileta for større visning)

Samanlagtstilling etter 9 av 16 rundar:

Alle spørsmål med fasit: