Under følgjer resultat, spørsmål og svar.
18 snedne lag deltok og snittscoren var denne gong på dryge 56 poeng. Ni lag kom seg over 60 poeng.
Rop Ut Quizen halvvegs vart vunne av Nils frå Lex Lodney. Han slo Ragnhild frå Dei Hjelpelause i finalen. Premie: To stk kinobillettar.
Det vart ein humørfylt kveld i Arena denne torsdagen. Quizmaster Sverre var i støtet både på godt og vondt og fekk forsamlinga til å le fleire gongar grunna eigne feil. Det kan til dømes nemnast:
- Er Catalonia og Baskerland det same?
- Maleficent - korleis skal det uttalast?
- Er det Spania eller Italia ein kan sjå på TV-kanalen RAI?
- Kva farge er det på farge-TV'en til Max Mekker?
- Er det andre enn Sverre som kan få fram primærfargen gul med å blanda to andre fargar?
- Kvifor fekk ikkje Tante Rød vere med dei andre tantene til Elsa Beskow?
- Er det lov å spør om Melodi Grand Prix låtar frå tidleg 60-tal?
- Er Erdogan i ferd med å ta att Zara Larsson i den som har dukka opp på biletearket flest gongar?
Quizen vart vunne i overlegen stil av QF denne veka. Eigentleg litt som forventa når ein kunne sjå kva mannskap dei stilte med. Til dømes var både Tore og Tarjei sendt ut for å hjelpa eit anna lag denne kvelden. BJoP vart dermed endeleg skubba ned frå øvste pallplass. HBO kneip tredjeplassen.
I samandraget leiar QF med god margin føre nettopp BJoP og HBO. Alt er altså som det plar vere.
Ekstrapremien gjekk i kveld til laget Quizte Du Det? som fekk med seg to stk billettar til Valentourettes sin konsert på Arena neste månad.
Quizvert var Sverre, med servitør Alena og Geir i baren.
Vel møtt igjen til haustsesongens sjuande quiz førstkomande torsdag 24.oktober.
God helg!
Resultat quiz 6 av 14 hausten 2019 - 17.oktober:
(Trykk på bileta for større visning)
Samanlagt:
Alle spørsmål med fasit:
Ingen kommentarer:
Legg inn en kommentar